U Kyrhyzstanie najmita, jaki vajavaŭ va Ukrainie na baku «ŁNR», asudzili na 10 hadoŭ
16 maja Pieršamajski rajonny sud Biškieka asudziŭ da 10 hadoŭ pazbaŭleńnia voli kyrhyzstanca, abvinavačanaha va ŭdziele ŭ bajavych dziejańniach va Ukrainie. Jaho pryznali vinavatym u najmictvie.
U dakumiencie adznačana, što 31-hadovy mužyna pryznany vinavatym va ŭčynieńni złačynstva, praduhledžanaha častkaj 2 artykuła 416 («najmictva») — «udzieł biez dazvołu adpaviednych orhanaŭ dziaržaŭnaj ułady va ŭzbrojenych kanfliktach inšych dziaržaŭ z metaj atrymańnia materyjalnaha ŭznaharodžańnia», piša «Radyjo Svaboda — Kyrhyzstan».
U červieni 2022 hoda asudžany, jaki znachodziŭsia na toj momant u Maskvie, vyrašyŭ ustupić u šerahi ŭzbrojenych hrupovak samaabvieščanaj «Łuhanskaj Narodnaj Respubliki» («ŁNR») dla ŭdziełu ŭ vajnie va Ukrainie. U lipieni jon prybyŭ u horad Branka i byŭ zaličany na vajskovuju słužbu sa štomiesiačnaj apłataj u pamiery 180 tysiač rubloŭ. Adznačajecca, što paśla pastupleńnia na słužbu jon prymaŭ udzieł u raźviedvalnych apieracyjach, prajšoŭ kursy bajavoj padrychtoŭki, zajmaŭsia zabieśpiačeńniem minamiotnych ustanovak i bojeprypasaŭ na pieradavoj linii frontu.
Pa danych śledstva, u listapadzie 2022 hoda kyrhyzstaniec byŭ zvolnieny z vajennaj słužby, jon viarnuŭsia spačatku ŭ Maskvu, a zatym u Biškiek.
Sam abvinavačany ŭ sudzie vinu nie pryznaŭ. Pavodle jaho, jon pastupiŭ na słužbu ŭ metach atrymańnia rasijskaha pašparta. Mužčyna taksama zajaviŭ, što 5 miesiacaŭ słužby prabyŭ na terytoryi tak zvanaj ŁNR i ŭ bajavych dziejańniach nie ŭdzielničaŭ, uvieś čas znachodziačysia ŭ vajenkamacie. Pa słovach kyrhyzstanca, pryviezienyja ŭ Kyrhyzstan hrošy jon nakapiŭ, a za słužbu ŭznaharodžańnie nie atrymlivaŭ.
U sudzie brat abvinavačanaha, jaki prysutničaŭ pry zatrymańni, zajaviŭ pra cisk padčas dopytu i admoviŭsia ad svaich pieršapačatkovych pakazańniaŭ, u jakich paćviardžaŭ udzieł brata ŭ bajavych dziejańniach.
U vyniku chłopca asudzili na 10 hadoŭ kałonii.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary