Kachańnie i seks22

Kali i dzie byŭ pieršy pacałunak? Navukoŭcy vyśvietlili, ź jakoha času ludzi navučylisia całavacca ŭ vusny

Pavodle novych daśledavańniaŭ, ludzi, jakija byli ŭ ramantyčnych adnosinach, pačali całavacca ŭ vusny 4500 hadoŭ tamu — heta značyć jak minimum na tysiaču hadoŭ raniej, čym ličyłasia da hetaha času. Taksama vyśvietliłasia, što hetaja tradycyja, chutčej za ŭsio, pryjšła ź Blizkaha Uschodu, a nie z Paŭdniovaj Azii, jak mierkavali da siońniašniaha dnia.

Hetaja hlinianaja tablička sa staražytnaj Miesapatamii pakazvaje, što pacałunak u vusny byŭ dla žycharoŭ hetych ziamiel častkaj intymnaj blizkaści. Fota: Univiersitet Kapienhahiena

Pa słovach navukoŭcaŭ, upieršyniu hetaja praktyka, padobna, źjaviłasia ŭ hramadstvie, jakoje zasialała terytoryju pamiž rekami Tyhr i Jeŭfrat, jakaja raniej nazyvałasia Miesapatamijaj, a ciapier jość častkaj Iraka i Siryi, piša Bi-bi-si.

Raniej ličyłasia, što pieršymi całavacca ŭ vusny pačali ŭ Indyi ŭ 1500 hodzie da našaj ery.

Da novych vysnoŭ, apublikavanych u časopisie Science, navukoŭcaŭ padšturchnuli staražytnyja manuskrypty ź Miesapatamii, jakija raniej, ź ich słoŭ, byli vyvučanyja niedastatkova staranna.

Zhadki intymnaha pacałunku ŭpieršyniu sustrakajucca ŭ staražytnych tekstach, datavanych 2500 hodam da našaj ery.

Pa słovach doktara historyi z Univiersiteta Kapienhahiena Trojełsa Panka Arbiela, hetyja teksty nanosilisia na hlinianyja tablički, tysiačy ź jakich zachavalisia da siońniašniaha dnia.

Tradycyja siabroŭskich abo rodnasnych pacałunkaŭ u łob, ščaku ci ruku isnavała značna raniej i była raspaŭsiudžanaja ŭ mnohich kulturach.

Ale tolki ŭ miesapatamskich tekstach havorycca, što takija pacałunki ŭ asnoŭnym praktykavalisia žanatymi parami, adnak jany taksama dapuskalisia jak demanstracyja namieraŭ zakachanaha svabodnaha čałavieka.

Pa słovach doktara Arbiela, heta nie aznačaje, adnak, što intymnyja pacałunki prydumali mienavita ŭ Miesapatamii. Całkam mahčyma, što tudy jany taksama pryjšli adniekul jašče, prosta byli apisany žycharami mienavita hetaha rehijona.

«Mnohija tysiačy hetych hlinianych tabličak zachavalisia da našych dzion, i ŭ ich jość nahladnyja prykłady taho, što ŭ staražytnaści pacałunki ličylisia častkaj ramantyčnaj blizkaści, sapraŭdy hetak ža, jak pacałunki mahli być častkaj siabroŭskich i siamiejnych adnosin, — kaža jon. — Tamu pacałunki nie varta razhladać jak zvyčaj, jaki paŭstaŭ vyklučna ŭ niejkim adnym rehijonie i raspaŭsiudziŭsia adtul, a chutčej praktykavaŭsia ŭ mnohich staražytnych kulturach na praciahu niekalkich tysiačahodździaŭ».

Šturšok dla epidemij?

Daśledavańni taksama pakazvajuć, što tradycyja intymnych pacałunkaŭ mahła dać šturšok raspaŭsiudžvańniu virusa hierpiesu i ŭzbudžalnikaŭ dyfteryi. Pieršyja masavyja vypadki zachvorvańnia abiedźviuma chvarobami supadajuć pa časie sa źjaŭleńniem zvyčki całavacca ŭ vusny.

«Isnuje značny abjom miedycynskich tekstaŭ ź Miesapatamii, u častcy jakich zhadvajecca chvaroba ź simptomami, jakija nahadvajuć virus prostaha hierpiesu 1-ha typu (VPH-1)», — kaža doktar Arbiel, jaki śpiecyjalizujecca ŭ halinie staražytnaj miedycyny.

Pa słovach jaho kalehi doktara Safi Łand Rasmusen, novyja vysnovy ab praktykach intymnych adnosin u staražytnym śviecie dapamahajuć nie tolki lepš ujavić histaryčnyja padziei i sacyjalnyja suviazi rańniaha pieryjadu. Jany taksama dajuć ujaŭleńnie ab rańnich miechanizmach pieradačy patahienaŭ, što ŭ svaju čarhu dapamoža ŭ daśledavańniach staražytnych DNK.

Kamientary2

  • Žvir
    20.05.2023
    Cha, znajšli prablemu, šturšok da hierpiesu... Da ciažarnaści heta šturšok, z usimi vyciakajučymi... Niekatorych za takoje z Edemu vypierli,.. voś tak i žyviem z tej pary... A na tabličcy toj hlinianaj zusim i nie pacałunak u vusny. Vy ž padziviciesia, dzie tam vusny, i dzie tam što...
  • znať
    21.05.2023
    nu
    Žiru łučšie v rozovych popkach junh
    znať

Ciapier čytajuć

Ajcišnica pryjechała z Polščy ŭ Biełaruś i žachnułasia cenam u «Mile»16

Ajcišnica pryjechała z Polščy ŭ Biełaruś i žachnułasia cenam u «Mile»

Usie naviny →
Usie naviny

Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay1

U Kramli paabiacali «padumać» nad prapanovaj ab 30-dzionnym pieramirji

Stała viadoma, jak pakarajuć mahiloŭskich dziaciej, jakija niepavažliva pastavilisia da dziaržaŭnaha salutu17

Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla7

«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»6

U Tadžykistanie zatrymali varažbitku, jakaja prymušała klijentaŭ zajmacca ź joj seksam5

Zbornaja Biełarusi vyjšła ŭ finał čempijanatu śvietu pa plažnym futbole6

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj44

Starmier i Makron adchilajuć patrabavańnie Pucina spynić vajskovuju dapamohu Ukrainie dla 30-dzionnaha spynieńnia ahniu6

bolš čytanych navin
bolš łajkanych navin

Ajcišnica pryjechała z Polščy ŭ Biełaruś i žachnułasia cenam u «Mile»16

Ajcišnica pryjechała z Polščy ŭ Biełaruś i žachnułasia cenam u «Mile»

Hałoŭnaje
Usie naviny →

Zaŭvaha:

 

 

 

 

Zakryć Paviedamić