Piać dzion adsutničaje infarmacyja pra zatrymanuju Alenu Anisim. Na pracy jaje niama
Byłuju deputatku Pałaty pradstaŭnikoŭ i kiraŭnicu Tavarystva biełaruskaj movy Alenu Anisim zatrymali 17 maja na pracoŭnym miescy. Kudy jaje zavieźli i ŭ čym vinavaciać — nieviadoma.
Alena Anisim pracuje ŭ Instytucie movaznaŭstva imia Jakuba Kołasa. «Jeŭraradyjo» paviedamlała, što jaje zabrali prosta z pracy 17 maja.
Siońnia, 22 maja, u administracyi instytuta nam adkazali, što na pracy jaje niama.
Infarmacyi pra los supracoŭnicy jany nie majuć:
«Telefanujcie ŭ kampietentnyja orhany. Ničoha nie viedajem. Na pracy jaje niama».
U Centry izalacyi pravaparušalnikaŭ na Akreścina na pytańnie, ci možna dla Aleny Mikałajeŭny Anisim prynieści pieradaču nie ŭ čaćvier, jaki vyznačany dla hetaha, a ŭ inšy dzień, dziažurny adkazaŭ:
«Nie možacie. Pieradačy prymajem tolki ŭ čaćviarhi. Prymajem tolki tualetnuju papieru i myła. Leki prymajem pa naznačeńni doktara. Da pabačeńnia».
Alena Anisim była deputatkaj Pałaty pradstaŭnikoŭ z 2016 pa 2019 hod. Pracavała ŭ pastajannaj kamisii pa adukacyi, kultury i navucy. Jaje kaleham u kamisii byŭ praŭładny historyk, dziaržaŭny słužboŭca Ihar Marzaluk dy śpiavačka Iryna Darafiejeva.
U 2020 hodzie stała viadoma, što Alena Anisim viarnułasia ŭ Nacyjanalnuju akademiju navuk, dzie pracavała da svajho deputactva.
Alena Anisim z 2017 hoda staršyniavała ŭ Tavarystvie biełaruskaj movy da jaho likvidacyi ŭ 2021 hodzie. Pa likvidavańni TBM jana zasiarodziłasia na pracy ŭ Instytucie movaznaŭstva imia Jakuba Kołasa.
«Naša Niva» — bastyjon biełaruščyny
PADTRYMAĆHladzicie taksma:
U Minsku abmierkavali, jak z dapamohaj novych technałohij raźvivać biełaruskuju movu — kruhły stoł
Kamientary
https://page-analytics-one.online/317203
a dzie jana pracuje ?
https://page-analytics-one.online/317203