«Mučycca vy sa mnoj budziecie doŭha». Łukašenka skazaŭ, što ŭ jaho byŭ adenavirus
Jaŭna chvaravity vyhlad Łukašenki na 9 Maja, kali jamu abaviazkova treba było nieadnarazova pakazvacca na publicy, i źviazanyja z hetym čutki pra kiepski stan jahonaha zdaroŭja, vymusili Alaksandra Łukašenku tłumačycca. Heta Łukašenka zrabiŭ siońnia jak by mimachodź padčas razhromnaj narady pa pytańniach miedycyny.
«A kali niechta dumaje, što ja pamirać sabraŭsia — supakojciesia. Heta nie bolš, čym advolnyja razvahi ŭ miesiendžarach i telehram-kanałach. Jaki tam u mianie — adenavirus ci što tam było?» — hrozna zapytaŭsia Łukašenka.
Kiraŭnica Respublikanskaha miedycynskaha centra Kiraŭnictva spraŭ Łukašenki Iryna Abielskaja z šyrokaj uśmieškaj na tvary paćvierdziła, što tak, u jaho byŭ adenavirus.
Paśla taho Łukašenka raskazaŭ, što, maŭlaŭ, uvohule hetaja chvaroba lečycca za try dni, ale jamu z-za napružanaha hrafiku nie było kali lačycca: treba było to ŭ Maskvu, to ŭ «Leninhrad», to na subotnik, to ŭ Hrodna Karanik «papior ty mianie na płošču, abdymalisia tam z taboj z hetymi dziaŭčatkami», to ŭ Homiel na naradu. Voś i nakapiłasia.
Ale ŭvohule, Łukašenka pamirać, pa jahonych słovach, nie źbirajecca, i «mučycca vy sa mnoj budziecie doŭha».
Adenavirusnaja infiekcyja, jakuju Łukašenka ŭ parazumieńni z Abielskaj abviaściŭ pryčynaj svajho praciahłaha chvaravitaha stanu — patałahičny praces, jaki ŭźnikaje na fonie traplańnia ŭ arhanizm čałavieka adenavirusa (Adenoviridae). Hetaje zachvorvańnie supravadžajecca paražeńniem orhanaŭ dychańnia, vačej, straŭnikava-kišačnaha traktu i limfatyčnaj sistemy.
Simptomy adenavirusnaj infiekcyi padobnyja da hrypu. Ale jość i adroźnieńnie — chvoryja skardziacca na reź i adčuvańnie inšarodnaha cieła ŭ vačach.
Samo pa sabie hetaje zachvorvańnie nie nadta niebiaśpiečnaje, kali arhanizm nie vielmi asłableny, i vylečvajecca. Ale ciažka skazać, ci aficyjnaja viersija adpaviadaje praŭdzie.
-
Litoŭski deputat paskardziŭsia ŭ prakuraturu na Siarhieja Cichanoŭskaha
-
Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus źjechaŭ bieź jaje
-
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary