«Adrazajcie im vušy, puskajcie kroŭ». Pilip Šaŭroŭ adznačyŭsia jašče raz
Paśla ŭčorašniaj naviny pra toje, što Pilipa Šaŭrova čakaje sud u Polščy za pahrozy aktyvistam, «Našaj Nivie» raskazali jašče pra adzin niadaŭni incydent ź jaho ŭdziełam.
Videa, jakoje dasłali «Našaj Nivie», zdymaŭ sam Šaŭroŭ i publikavaŭ u svaich sacyjalnych sietkach, ale paśla vydaliŭ. Jano było zapisana 30 krasavika va Urocłavie (Polšča) kala ŭniviersiteta, dzie prachodziła vystupleńnie palityka Zianona Paźniaka.
Na videa bačna, jak pierad uvachodam u budynak staić achova ź liku siabroŭ Rucha biełaruskich nacyjanalistaŭ. Šaŭroŭ zdymaje ich i nazyvaje «bandytami Paźniaka». Na lekcyju jaho nie puścili, jon pasprabavaŭ prarvacca. Šaŭroŭ kaža, što budzie zmahacca, kab ich pasadzili ŭ polskuju turmu.
«Heta navałač, jakuju treba źniščać, palić u hazavych kamierach. Ja asabista voś tut abiacaju spalvać hetuju niečyść, vyniščać jaje ŭsimi mahčymymi srodkami. Ja zaklikaju ŭsich da piersanalnaha teroru», — kaža Šaŭroŭ za kadram.
«Bačycie hetych ludziej — atakujcie, adrazajcie im vušy, adrazajcie im horła, puskajcie kroŭ», — zaklikaje Šaŭroŭ da raspravy.
Nakolki viadoma, aktyvisty paśla taho vypadku padavali zajavu ŭ polskuju palicyju.
Pilip Šaŭroŭ staŭ viadomym u studzieni 2020 hoda, kali pafarbavaŭ u čyrvony koler dałoni pomnika Puškinu ŭ Minsku. Jaho zatrymali, jon na kamieru nahavaryŭ paskudstvaŭ ab praciŭnikach Łukašenki, paśla čaho jaho adpuścili. Ciapier chłopiec žyvie ŭ Polščy.
Učora «Jeŭraradyjo» paviedamiła, što Šaŭrova zatrymlivali, ale adpuścili da suda, jamu inkryminujecca pahroza zabojstvam. Zatrymańnie chłopca było ŭ Varšavie pobač z Moładzievym chabam 21 maja, kali tam prachodziŭ mitynh salidarnaści z palitviaźniami.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary