U skandał z centralizavanym ekzamienam svaje piać kapiejek ustaviŭ Łukašenka
Va ŭsim vinavatyja kampjutary.
Alaksandr Łukašenka prakamientavaŭ siońnia skandał z vynikami pieršaha vyprabavańnia pa CE, jaki 11-kłaśniki zdavali 14 maja.
«Cełuju buču padniali paśla adzinaha centralizavanaha ekzamienu. Rozumu nie chapiła zrabić prosta i zrazumieła, kab padličyć hetyja bały. Jany pačali niejkija statystyčnyja ličby vyvodzić na kampjutary.
Kamu heta patrebna? Pa-mojmu, my rabili: viedaješ — trojka, vielmi dobra viedaješ — čaćviorka, vielmi-vielmi dobra — vydatna. A tut niejkija bały na kampjutary vyličvali», — skazaŭ jon.
Kiraŭnik administracyi Łukašenki, u svaju čarhu, zajaviŭ, što toj daručyŭ pravieryć arhanizacyju CE i razabracca z kožnaj skarhaj.
Pa słovach Ihara Sierhiejenki, stali pastupać šmatlikija zvaroty ad dziaciej i ich baćkoŭ u pieršuju čarhu z prośbaj patłumačyć situacyju z bałami i ich padlikami.
«Pastaŭlenaja zadača arhanizavać pravierku arhanizacyi centralizavanych ekzamienaŭ, jakija prajšli ŭ mai va ŭsich siarednich navučalnych ustanovach našaj krainy, uhłybicca ŭ hety praces, pravieryć, udakładnić, jakija vyniki atrymali», — padkreśliŭ Ihar Sierhiejenka.
U toj ža čas ministr adukacyi nie pryznaŭ ani najmienšych prablem, a ŭsie paviedamleńni pra skandał z CE nazvaŭ fejkam.
i
Minadukacyi: Adznaki na CE pierahladu nie padlahajuć. Apielacyju padać nielha
Skandał z CE: vypuskniki skardziacca na pamyłki ŭ vynikach, aburanyja školniki i ich baćki abryvajuć telefony Minadukacy
«Poŭny fejk». Ministr adukacyi pachvaliŭsia pośpiechami na centralizavanym ekzamienie i nie pryznaŭ ani najmienšych prablem
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary