Kala manumienta «Try siastry» na sutyknieńni miežaŭ Ukrainy, Biełarusi i Rasii prahučaŭ mahutny vybuch
Pra vybuch na skryžavańni daroh z Ukrainy, Biełarusi i Rasii ŭčora viečaram paviedamiŭ kanał rasijskich vajenkaraŭ. Videa pierapościli ŭkrainskija pabliki.
Kanał vajenkaraŭ piša, što takim čynam była ŭzarvanaja ŭkrainskaja daroha. Z kantekstu vynikaje, što heta rasijanie padarvali «šlach voraha, jaki jon moh by kaliści pasprabavać vykarystać dla napadu».
Miž tym ciapier Ukraina ŭmacoŭvaje svaje miežy z krainami-susiedkami, u tym liku miniruje prymiežnyja terytoryi. USU rychtujucca da kontrnastupu.
Manumient «Try siastry» na styku miež Biełarusi, Rasii i Ukrainy byŭ adkryty ŭ 1975 hodzie ŭ honar siabroŭstva biełaruskaha, ruskaha i ŭkrainskaha narodaŭ.
U hetym miescy, dzie złučajucca Ukraina (Čarnihaŭskaja vobłaść), Biełaruś (Homielskaja vobłaść) i Rasija (Branskaja vobłaść) raniej prachodzili ahulnyja śviaty i aficyjnyja mierapryjemstvy. Paśla pačatku vajny suprać Ukrainy, u jakim Rasija i Biełaruś stali ahresarami, va Ukrainie zajaŭlali pra žadańnie demantavać pomnik.
-
Uitkaf raskazaŭ, jakija čatyry dakumienty abmiarkoŭvali na pieramovach z Ukrainaj
-
Pad Słuckam budujuć sakretny vajskovy zavod — źbirajucca rabić 240 tysiač snaradaŭ štohod dla patreb Rasii
-
Rasijanie pierajšli miažu i prymusova vyvieźli z Sumskaj vobłaści bolš za 50 cyvilnych asob, najstarejšaj žančynie 89 hadoŭ
Kamientary