Prezident u Łatvii, jak i ŭ Estonii, abirajecca parłamientam.
U Siejmie Łatvii 31 maja pačali abirać novaha prezidenta krainy, jaki stanie pierajemnikam dziejnaha kiraŭnika dziaržavy Ehiłsa Levitsa. Levits admoviŭsia bałatavacca na druhi termin, piša Delfi.
Pieršy raŭnd hałasavańnia prajšoŭ ranicaj. Palityčnyja partyi naminavali na prezidenckuju pasadu troch kandydataŭ: dziejnaha ministra zamiežnych spraŭ Edhara Rynkieviča ad «Novaha adzinstva», Ułdysa Pilensa, jakoha padtrymlivaje kaalicyjnaja partyja «Abjadnany śpis», i Elinu Pinta, jakuju vyłučyli sacyjał-demakraty.
Paśla pieršaha raŭnda nikoha nie abrali.
Hałasavańnie moža prachodzić u adzin abo niekalki raŭndaŭ.
Padčas druhoha hałasavańnia prezident taksama nie abrany.
Za Pilensa prahałasavali 25 deputataŭ, suprać byli 62.
Za Rynkieviča — 42 hałasy «za», suprać 45.
Za Pintu — 10 «za», 77 suprać.
Elina Pinta vybyvaje z prezidenckaj honki, u treciaje hałasavańnie prachodziać Edhar Rynkievič i Ułdys Pilens.
***
Novaha kiraŭnika dziaržavy mohuć abrać ź pieršaj sproby, kali za jaho prahałasuje bolšaść — ad 51 deputataŭ sa 100. U Siejmie prysutničaje 87 sa 100 deputataŭ, pryčym 10 ź ich admovilisia brać udzieł u hałasavańni. Heta deputaty ad papulisckaj partyi jeŭraskieptykaŭ «Stabilnaść» Alaksieja Roślikava.
Raŭndy hałasavańnia z tymi ž abo inšymi kandydatami pravodziać datul, pakul prezidenta nie abiaruć.
Rekordna zaciažnyja vybary byli padčas 2-ha i 3-ha sklikańniaŭ łatvijskaha Siejma, jašče pierad savieckaj akupacyjaj časoŭ Druhoj suśvietnaj. Hustaŭ Ziemhałs i Albierts Kiesis byli abranyja paśla 10 raŭndaŭ hałasavańnia.
Za prezidenta Edhara Levitsa ŭ 2019 hodzie prahałasavaŭ 61 deputat.
Prezident abirajecca ŭ Łatvii na čatyry hady. Tam premjer maje bolšuju vahu.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary