Kali ŭ vas jość sandvičnica, pryhatavać kiesadylju budzie praściej. Kali niama — možna padsmažyć jaje z dvuch bakoŭ na zvyčajnaj patelni.
Pieratvarycie zvyčajny pierakus u sapraŭdnaje śviata, pryhatavaŭšy mieksikanskuju kiesadylju.
Dla jaje vam spatrebicca:
- 2 stałovyja łyžki aliŭkavaha aleju,
- 1 kabačok, parezany aharodninarezkaj na doŭhija pałoski abo nažom — tonkimi płastami,
- 1 maleńkaja čyrvonaja cybulina, drobna narezanaja,
- 3 zubčyki časnaku, zdroblenyja,
- 1 čajnaja łyžka mołataj kalandry,
- 1 čajnaja łyžka mołataha kmienu,
- 400-hramovaja blašanka čyrvonaj fasoli, pramytaj,
- 50 h pamidoraŭ čery, narezanych na čvertački,
- 1/4 šklanki bujna narezanaj kinzy,
- 4 mieksikanskija tarcilji z muki (jany pradajucca ŭ takich ža ŭpakoŭkach, jak i łavaš),
- 2/3 šklanki bujna naciortaha abiastłuščanaha syru (naprykład, čedaru),
- 180 h smažanaha piercu, vysušanaha, narezanaha,
- 1 šklanka bujna narezanaj varanaj kurycy,
- 20 h maładoha špinatu.
Dla padačy:
- 1/3 šklanki lohkaj śmiatany,
- 1 łajm, narezany dolkami.
Jak hatavać:
- Nahrejcie pałovu aleju na vialikaj patelni na mocnym ahni. Hatujcie kabačok, pieravaročvajučy, 2—3 chviliny abo da miakkaści. Pierakładzicie na talerku.
- Nahrejcie astatniuju častku aleju na siarednim ahni. Padsmažcie cybulu, pamiešvajučy, na praciahu 3 chvilin abo pakul jana nie stanie miakkaj. Dadajcie časnok, mołatuju kalandru, kmien i fasolu. Hatujcie, pamiešvajučy, na praciahu 5 chvilin abo pakul fasola nie prahrejecca. Źnimicie z ahniu. Dadajcie pamidory i kinzu. Prypraŭcie sollu i piercam. Pieramiašajcie.
- Razahrejcie sandvičnicu. Pakładzicie 2 tarcilji na pracoŭnuju pavierchniu. Pasypcie ich syram, pakładzicie sumieś z fasoli, piercu, kurycy i špinatu. Nakryjcie dźviuma astatnimi tarciljami.
- Kładzicie hatovyja kiesadylji pa adnoj u pres dla sandvičaŭ. Hatujcie ad 4 da 5 chvilin abo pakul dobra nie padsmažacca i nie prahrejucca. Narežcie trochvuholnymi kavałkami. Padavajcie sa śmiatanaj i łajmam.
Kali ŭ vas niama sandvičnicy, možna hatavać kiesadylju na niehłybokaj patelni, nakryŭšy źvierchu, naprykład, ciažkaj nakryŭkaj abo nievialikaj talerkaj u spałučeńni ź jašče čym-niebudź ciažkim źvierchu. Padsmažvajcie z adnaho boku, potym zdymajcie pres, pieravaročvajcie sandvič i padsmažvajcie z druhoha boku.
Čytajcie jašče:
Łavaš-roły z kurycaj i kukuruzaj — pierakus, jaki zručna ŭziać z saboj, kudy b vy ni vypravilisia
Śniadanak, dziela jakoha chočacca pračnucca: bliny z syram i zielaninaj
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ15
Kamientary
možna sieści źvierchu?