Ministr achovy zdaroŭja akupacyjnaj administracyi Chiersonščyny paśpieŭ nakraści za paŭhoda na 26 miljonaŭ rasijskich rubloŭ
Suprać byłoha v. a. ministra achovy zdaroŭja akupacyjnaj administracyi Chiersonskaj vobłaści zaviali kryminalnuju spravu.
Suprać byłoha v. a. ministra achovy zdaroŭja akupacyjnaj administracyi Chiersonskaj vobłaści zaviali kryminalnuju spravu, jaho abvinavačvajuć u prysvajeńni zvyš 26,5 miljona rasijskich rubloŭ (kala 335 tysiač dalaraŭ), jak paviedamiŭ Śledčy kamitet Rasii.
Śledčyja vyśvietlili, što z 1 vieraśnia 2022 h. pa 14 krasavika 2023 h. abvinavačany, vykarystoŭvajučy słužbovaje stanovišča, vykraŭ hrošy bolš čym na 26,5 młn rubloŭ, jakija naležali Ministerstvu achovy zdaroŭja akupavanaj Chiersonskaj vobłaści i byli pryznačanyja dla vypłaty zarobkaŭ supracoŭnikam Chiersonskaj haradskoj kliničnaj balnicy. Mužčynu zatrymali, jon znachodzicca pad vartaj.
U kancy sakavika v. a. kiraŭnika rehijona, kałabarant Uładzimir Salda pryznačyŭ kiraŭnikom «Ministerstva achovy zdaroŭja» rehijona Artyša Sata, raniej jon pracavaŭ u Ministerstvie achovy zdaroŭja Respubliki Tuva. Da jaho hetuju pasadu zajmaŭ Vadzim Ilmijeŭ.
Kamientary
😄