U ES raskazali, čym dapamohuć Ukrainie paśla padryvu Kachoŭskaj HES
Jeŭrapiejski sajuz zadziejničaje miechanizm hramadzianskaj abarony dla dapamohi Ukrainie paśla padryvu Rasijaj damby Kachoŭskaj hidraelektrastancyi. Pra heta abviaściła prezident Jeŭrapiejskaj kamisii Ursuła fon der Lajen, jak paviedamlaje «Jeŭrapiejskaja praŭda».
Pa słovach fon der Lajen, Jeŭrakamisija kaardynuje pracu ź dziaržavami-siabrami ES dla chutkaj dastaŭki Ukrainie drenažnych pompaŭ, pažarnych rukavoŭ, mabilnych stancyj ačystki vady i łodak.
«My budziem pobač z Ukrainaj stolki, kolki spatrebicca», — padkreśliła jana.
Prezident Jeŭrakamisii asobna adznačyła, što Rasii daviadziecca zapłacić za vajennyja złačynstvy, učynienyja va Ukrainie:
«Razbureńnie damby, aburalny napad na hramadzianskuju infrastrukturu, stavić pad pahrozu žyćci tysiač ludziej u Chiersonskaj vobłaści».
Ranicaj 6 červienia Apieratyŭnaje kamandavańnie «Poŭdzień» paviedamiła, što rasijskija akupanty padarvali Kachoŭskuju HES, paźniej abłasnaja vajennaja administracyja paćvierdziła hetuju infarmacyju.
Kiraŭnik Chiersonskaj AVA Alaksandr Prakudzin paviedamiŭ, što pačałasia evakuacyja miascovaha nasielnictva ź niebiaśpiečnych rajonaŭ.
Kiraŭnik MZS Ukrainy Dźmitryj Kuleba nazvaŭ padryŭ Rasijaj Kachoŭskaj HES žachlivym vajennym złačynstvam i, vierahodna, najbujniejšaj technahiennaj katastrofaj u Jeŭropie za apošnija dziesiacihodździ.
Incydent asudzili šerah zamiežnych lidaraŭ i jeŭrapiejskich čynoŭnikaŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary