Na bachmuckim napramku ŭkrainskija siły prasunulisia siońnia na 1200 mietraŭ
Siły abarony Ukrainy sprabujuć maksimalna vybić bajavy patencyjał voraha: raniej rabili heta z hrupaj «Vahnier», a ciapier — z motastrałkovymi i pavietrana-desantnymi padraździaleńniami Rasii.
«Skarystaŭšysia tym, što vorah pravodzić ratacyjnyja mierapryjemstvy i što tyja padraździaleńni, jakija zachodziać, jašče nie da kanca viedajuć miascovaść, nie praviali adpaviednaj rekahnascyroŭki i zładžvańnia, my nanieśli ŭdary i ŭžo niekalki dzion pravodzim šturmavyja dziejańni. Za papiarednija sutki našy padraździaleńni na niekatorych učastkach prasunulisia ahułam da 1 200 mietraŭ. Heta ŭsio my pravodzim u ramkach abarončaj apieracyi, jakaja ŭžo šmat miesiacaŭ praciahvajecca», — zajaviŭ pres-sakratar Uschodniaj hrupoŭki vojskaŭ Siarhiej Čaravaty.
Jon skazaŭ, što siły abarony Ukrainy sprabujuć maksimalna vybić bajavy patencyjał voraha: raniej rabili heta z hrupaj «Vahnier», a ciapier — z motastrałkovymi i pavietrana-desantnymi padraździaleńniami Rasii.
Rasijanie supraciŭlajucca, sprabujuć nakryć artyleryjskim ahniom ukrainskija padraździaleńni: za hetyja sutki na bachmuckim napramku 368 razoŭ nanieśli ŭdary stvolnaj i reaktyŭnaj artyleryjaj pa pazicyjach USU, było 15 bojesutyknieńniaŭ i 5 avijanalotaŭ. U toj ža čas tam było zabita 120 akupantaŭ, 163 paranienyja, 11 trapili ŭ pałon, dadaŭ Čaravaty.
-
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
-
Zialenski: Pucin skazaŭ Trampu, što zachopić Danbas za try-čatyry miesiacy
-
Rasija naniesła masiravany ŭdar rakietami i dronami pa Ukrainie. Polšča zakryvała aeraporty Varšavy i Lublina z-za šachiedaŭ
Kamientary