«Ruski vajenny karabiel, idzi na …» pryznanaja najlepšaj markaj śvietu ŭ 2022 hodzie
«Ukrpošta» atrymała try hanarovyja adznaki i prestyžnuju premiju World Post & Parcel Awards — 2023, u pryvatnaści, marka «Ruski vajenny karabiel, idzi na …» pryznanaja najlepšaj u śviecie ŭ 2022 hodzie.
«Ukrpošta» stała najlepšaj i ŭ katehoryi «Fiłatelistyčnaja kampanija hoda». Nakład paštovaha vypusku «Ruski vajenny karabiel, idzi na …» skłaŭ piać miljonaŭ asobnikaŭ, piša «Ukrainskaja praŭda».
«2022 hod staŭ dla ŭkrainskaj fiłatelii hodam pierazahruzki, uzdymu i sapraŭdnaha roskvitu. Prykład «Ukrpošty» dakazaŭ, što hetaja halina moža mieć nadzvyčajny popyt i papularnaść. Ukrainskaj fiłatelijaj stali cikavicca nie tolki ŭnutry krainy, ale i ŭ śviecie», — adznačajuć va «Ukrpošcie».
Paviedamlajecca, što pra ŭkrainskija marki pisali suśvietnyja miedyja: CNN, The Guardian, The Times, The Washington Post, Bloomberg i inš.
Paštovaja marka «Ruski vajenny karabiel, idzi na …» ciapier raźmieščana ŭ ekspazicyi Śmitsanaŭskaha paštovaha muzieja ŭ Vašynhtonie.
Paštovyja marki Ukrainy vajennaha času jość u kalekcyjach lidaraŭ dziaržaŭ i kiraŭnikoŭ mižnarodnych arhanizacyj, jakija naviedvali Ukrainu na praciahu 2022 hoda.
U cełym nakłady ŭkrainskich paštovych marak vyraśli da miljonaŭ.
Razam z «Ukrpoštaj» finalistami ŭ hetaj naminacyi byli «Pošta Sinhapura» (Singapore Post) i «Pošta Brazilii» (Correios — Brazil Post).
Taksama «Ukrpošta» była adznačanaja ŭznaharodaj World Post & Parcel Awards — 2023 u katehoryi «Paštovy apieratar».
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary
Starina,ia jeŝie nie vstriečał Śvietok bieruŝich tielehrafy. Nomierok daš?