Biełaruskija sielekcyjaniery vyvieli bulbu nietradycyjnych koleraŭ
Biełaruskija sielekcyjaniery vyvieli sarty «sapfir» i «lekar» — miakać ich kłubniaŭ fijaletavaha i ružovaha koleraŭ, jak paviedamiŭ Minsielhascharč.
Paviedamlajecca, što novyja hatunki ŭstojlivyja da zasuchi, chvarob i škodnikaŭ, a taksama vałodajuć pavyšanaj karysnaściu: kali ŭ zvyčajnaj bulbie antyaksidantaŭ 500-800 adzinak, to ŭ kalarovaj — bolš za 2000.
Da kanca hetaha hoda «sapfir» i «lekar» papoŭniać dziaržaŭny rejestr, a heta značyć, što zusim skora fijaletavaja i ružovaja bulba źjavicca na stałach u biełarusaŭ.
Uvohule na stvareńnie novaha sortu bulby patrabujecca 12-13 hadoŭ.
«Akramia taho, što źmianiajecca klimat, źjaŭlajucca novyja chvaroby. Novyja hatunki pavinny być ustojlivyja da klimatu, chvarob i škodnikaŭ. U ciapierašnich umovach sarty pavinny być ustojlivymi da zasuchi, asabliva ŭ druhoj pałovie viehietacyi, bo ŭ pieršaj pałovie bulba siłkujecca jašče ad samoha kłubnia», — adznačyła zahadčyca adździeła navukova-praktyčnaha centra pa bulbavodstvie i pładavodstva Julija Huńko.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia27
Kamientary
Darečy, bulby takoha koleru dachalery natiaje radzimie - u Pieru