Nivodnaj jadziernaj bojehałoŭki Rasija pakul Biełarusi nie pieradała — ukrainskaja raźviedka
U Biełarusi praciahvajecca padrychtoŭka schoviščaŭ dla jadziernaj zbroi, adnak pakul nivodnaj bojehałoŭki tudy z Rasii nie pieramiaścili, paviedamiŭ kiraŭnik ukrainskaj raźviedki Kiryła Budanaŭ u efiry nacyjanalnaha telemarafonu navin, piša «Ukrainskaja praŭda».
«Praces padrychtoŭki da mahčymaha pieramiaščeńnia na samaj spravie praciahvajecca. Schoviščy rychtujucca. Ale pa stanie na ciapier nivodnaja bojehałoŭka jašče nie pieramieščana», — zajaviŭ kiraŭnik ukrainskaha HRU.
Prezident Rasii Uładzimir Pucin u piatnicu, 16 červienia, skazaŭ, što pieršyja rasijskija taktyčnyja jadziernyja zarady nibyta ŭžo znachodziacca na terytoryi Biełarusi, a kančatkovaje ich pieramiaščeńnie zavieršycca da kanca hoda.
Manitorynhavaja hrupa «Biełaruski Hajun» u toj ža dzień paviedamiła, što nijakaj paćviardžalnaj infarmacyi ab pačatku realnaha pieramiaščeńnia taktyčnaj jadziernaj zbroi ŭ Biełaruś pa stanie na 16 červienia niama.
«Heta zbroja prymusić pavažać našy intaresy». Staršynia homielskaha Čyrvonaha Kryža padtrymała raźmiaščeńnie jadziernaj zbroi ŭ Biełarusi
«Pahroza realnaja». Bajden zajaviŭ, što Pucin sapraŭdy moža prymianić taktyčnuju jadziernuju zbroju
U MZS Rasii raskazali, kolki jadziernaja zbroja budzie znachodzicca ŭ Biełarusi
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary