U Homieli nieŭzabavie projduć pieršynstvo i čempijanat Jeŭropy pa kidańni naža. Spabornictvy pa hetym ekzatyčnym vidzie sportu buduć prachodzić z 23 pa 25 červienia ŭ lohkaatletyčnym maniežy «Dynama», paviedamlaje haradskoje vydańnie «Biełka».
Udzieł u mierapryjemstvie paćvierdzili spartsmieny ź piaci krain: Biełarusi, Vienhryi, Hrecyi, Rasii i Sierbii. Usiaho źbiarecca da 70 čałaviek, jakija buduć kidać snarady ŭ mišeni ŭ svaich uzrostavych hrupach z roznaj dystancyi. Samamu małodšamu ŭdzielniku — 12 hadoŭ, najstarejšamu — 72.
Čempijanat, jak paviedamlajecca, źbirajucca naviedać i spartyŭnyja funkcyjaniery, a cyrymonii adkryćcia i zakryćcia spabornictvaŭ, uznaharodžańnia pieramožcaŭ «buduć adpaviadać jeŭrapiejskamu ŭzroŭniu».
Kidajuć u mišeń amatary hetaha vidu sportu śpiecyjalnyja nažy, hrani jakich admysłova zatuplenyja. Navat u milicyi paćviardžajuć, što hetyja snarady nie chałodnaja zbroja, ich možna biez abmiežavańniaŭ kupić u kramach.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary