Z novaha hoda štomiesiačnaja dapamoha na kožnaje dzicia ŭ Polščy składzie 200 dalaraŭ u ekvivalencie
Prahrama raspaŭsiudžvajecca na ŭsich žycharoŭ Polščy, u tym liku na hramadzian Ukrainy i Biełarusi, jakija majuć lehalny status.
Z novaha hoda ŭ Polščy sacyjalnuju dapamohu na dzicia va ŭzroście da 18 hadoŭ pavodle prahramy 500+ padvysiać da 800 złotych (kala 200 dalaraŭ).
U aŭtorak 27 červienia polski ŭrad pryniaŭ adpaviednuju pastanovu, jakaja zaraz budzie nakiravanaja ŭ Siejm, paviedamlaje Polskaje radyjo.
Premjer-ministr Matevuš Maraviecki padkreśliŭ, što prahrama 500+, a z nastupnaha hoda prahrama 800+ pavialičyła adukacyjnyja mahčymaści dziaciej i likvidavała biednaść. Palityk adznačyŭ, što hety rost dapamohi pieravyšaje rost inflacyi za ŭsie hady isnavańnia vypłat.
— Usia hetaja vialikaja prahrama — heta prahrama pavyšeńnia pavahi da siemjaŭ, pavyšeńnia šancaŭ dla ŭsich našych dziaciej, — skazaŭ Maraviecki.
Dadatkovyja srodki na hetyja mety składajuć 24 miljardy złotych (5 młrd dalaraŭ). Kiraŭnik urada adznačyŭ, što adpaviednyja vydatki zapłanavanyja ŭ biudžecie na nastupny hod i što ŭsio dobra padličana.
Štomiesiačnyja vypłaty atrymaje prykładna siem miljonaŭ dziaciej. Źmianieńnie pamieru prahramy 500+ adbudziecca aŭtamatyčna, bieź nieabchodnaści afarmleńnia dadatkovaj zajaŭki.
Admietna, što heta prahrama raspaŭsiudžvajecca na ŭsich žycharoŭ Polščy, u tym liku hramadzian Ukrainy i Biełarusi, jakija majuć lehalny status.
***
Štomiesiačnaja dapamoha pa dohladzie za dziciem u Biełarusi vypłačvajecca z momantu jaho naradžeńnia da troch hadoŭ. Niekatoryja vypłaty možna atrymlivać da paŭnalećcia dziciaci.
Z 1 lutaha pa 31 lipienia 2023 pamier dapamohi vyras. Siemjam, u jakich raście pieršaje dzicia, zapłaciać 605,99 rubla. Siemjam z dvuma i bolš dziećmi — 692,56 rubla.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary