«Niejkim nievierahodnym čynam situacyja, jakaja nas nie datyčyć, stała plusam dla ŭsich, aproč Biełarusi». Pra nastupstvy vahnieraŭskaha miaciažu
«U situacyi z buntam Pryhožyna prajhraŭ biełaruski narod». Kałanizacyja, uzmacnieńnie vojska, janyčary na varcie łukašenkaŭskaha pałaca — takoj bačyć najbližejšuju pierśpiektyvu dla našaj krainy biełaruski dobraachvotnik Jaŭhien «Aŭhust» Michasiuk. Svaimi sumnymi dumkami jon padzialiŭsia ŭ tvitary.
«U situacyi z buntam Pryhožyna prajhraŭ biełaruski narod. Ciapier užo možna padvieści peŭnyja vyniki niaŭdałaha miaciažu ŭ Rasii. I vyniki hetyja, chutčej za ŭsio, sumnyja dla nas z vami, biełarusy.
Niejkim nievierahodnym čynam situacyja, jakaja nas nie datyčyć, stała plusam dla ŭsich, aproč Biełarusi.
Adychod PVK «Vahnier» z Ukrainy, a taksama šerah unutranych kanfliktaŭ i čystak, pieradača techniki Rashvardyi, źbićcio samalotaŭ i viertalotaŭ, asłableńnie Pucina — usio heta vialiki plus dla Ukrainy ŭ vajnie. I tut, ja dumaju, heta budzie značnym faktaram budučaj pieramohi.
U tym liku ŭsie hetyja padziei zapuskajuć doŭhaterminovy praces dehradacyi RF, što ŭ vyniku moža stvaryć akno mahčymaściaŭ dla rasijskaj apazicyi i małych narodaŭ na svabodu ad dyktatury Pucina. Spadziajusia, niešta ŭ hetym kirunku my pabačym u najbližejšyja hadoŭ dziesiać.
Ale što datyčyć Biełarusi, to tut ja baču davoli šmat minusaŭ dla nas z vami.
Dyktatura atrymała svaich «janyčaraŭ», najmitaŭ z bajavym dośviedam, jakija abaroniać uładu ŭ vypadku ŭnutranaha raskołu hramadstva. Tam, dzie budzie vahacca biełaruskaje vojska, — zrobiać spravu vahnieraŭcy.
Uskładniaje heta i našu zadaču vyzvaleńnia Biełarusi, bo dośvied vahnieraŭcaŭ nivieluje dośvied dobraachvotnikaŭ na vajnie, a taksama značna pavialičvaje kolkaść bajazdolnych farmiravańniaŭ na baku dyktatury. Dy i damovicca z vahnieraŭcami budzie niemahčyma, u adroźnieńnie ad mabilizavanych.
Biełaruś budzie rusifikavacca jašče bolš, bo prysutnaść «Vahniera» aznačaje, što šmat chto ź ich budzie žyć u Biełarusi, buduć admysłovyja imprezy, a niekatoraja častka navat budzie vajavać u składzie «Vahniera». Usio heta vielmi sumna dla biełaruskaj pierśpiektyvy.
Dyktatura atrymlivaje novy resurs dla «kałanizacyi Afryki». Sumiesnymi resursami z vahnieraŭcami ŭ najbližejšy čas Biełaruś atrymaje dostup da radoviščaŭ nafty, zołata i ałmazaŭ afrykanskich krain. Usio heta hrošy, jakija pojduć na dyktaturu.
Kaniečnie, možna fantaziravać pra toje, što vahnieraŭcy ŭstupiać u kanflikt i pojduć na Miensk, abo pra toje, što prysutnaść vahnieraŭcaŭ pryviadzie da raskołu elit i ŭnutranaj baraćby, abo pra toje, što heta zasłanyja kazački, abo pra toje, što jany nasamreč pojduć na Kijeŭ i h. d.
Možna. Ale ŭsio heta fantazii z maleńkim šancam adbycca kali-niebudź paśla. A apisanaje mnoj vyšej — heta ŭžo samaja blizkaja pierśpiektyva. Kałanizacyja, rusifikacyja, uzmacnieńnie vojska, janyčary na varcie pałaca. Karaciej, robim svaju spravu i nazirajem, ale dumki sumnyja», — napisaŭ Michasiuk.
«Łukašenka moža stać miratvorcam na svaju hałavu, bo Pucin pomślivy». Analityk — pra vyniki miaciažu i Pryhožyna ŭ Biełarusi
«Cełaja bryhada hatovaja była». Łukašenka zajaviŭ, što byŭ hatovy pasłać vojski ŭ Rasiju dla padaŭleńnia miaciažu
Sachaščyk: Šancaŭ u biełaruskaj sistemy vystajać u kryzisnaj situacyi niama
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary