Asudžany pa «spravie Aŭtuchoviča» Uładzimir Hundar 7 dzion pravioŭ u ŠIZA babrujskaj kałonii
Pačynajučy z 9 červienia asudžany pa «spravie Aŭtuchoviča» Uładzimir Hundar užo 7 dzion pravioŭ u ŠIZA babrujskaj kałonii, paviedamlaje «Miedyjazona» na padstavie śviedčańniaŭ znajomych palitviaźnia.
Blizkija asudžanaha raspaviali, što 7 červienia Hundara adpravili na «etap». 8 červienia nočču jaho pryvieźli ŭ babrujskuju kałoniju. 9 červienia jon byŭ źmieščany ŭ «karancin» na dva tydni.
Znajomyja asudžanaha kažuć, što pieršy raz jaho źmiaścili ŭ ŠIZA 14 červienia na čaćviora sutak. Druhi raz mužčynu adpravili ŭ ŠIZA ŭ dvaccatych čysłach na troje sutak.
Znajomyja Hundara ličać, što jaho źmiaščajuć u ŠIZA za toje, što jon admaŭlajecca padpisvać lubyja dakumienty. Tym samym jany «rychtujuć hlebu» dla zaviadzieńnia novaj kryminalnaj spravy za «złosnaje niepadparadkavańnie patrabavańniam administracyi» (artykuł 411 KK).
U 2021 hodzie fihuranta «spravy Aŭtuchoviča» 60-hadovaha Uładzimira Hundara asudzili da 3 hadoŭ kałonii pavodle abvinavačańnia ŭ hvałcie nad śledčym (častka 1 artykuła 366 KK). U kastryčniku 2022 hoda sud asudziŭ mužčynu da 18 hadoŭ kałonii. Jaho pryznali nibyta vinavatym u stvareńni złačynnaj arhanizacyi (častka 1 artykuła 285 KK) i zamachu na zachop ułady (častka 1 artykuła 14 i častka 2 artykuła 357 KK).
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary