Śviet44

Ukrainskija pamiežniki acanili, kolki «vahnieraŭcaŭ» moža raźmiaścicca ŭ Biełarusi. I heta ličba vielmi značnaja

Biełaruś moža raźmiaścić na svajoj terytoryi da 8 tysiač rasijskich najmitaŭ PVK «Vahnier», siły abarony Ukrainy ŭśviedamlajuć dadatkovuju patencyjnuju pahrozu i znachodziacca ŭ pastajannaj bajavoj hatoŭnaści, jak paviedamiŭ śpikier Dziaržpamiežsłužby pałkoŭnik Andrej Dziemčanka ŭ kamientary «Ukrainskaj praŭdzie».

Ukrainski pamiežnik. Fota: «Ukrainskaja praŭda»

Jak tłumačyć Dziemčanka, stanovišča na miažy na hety momant zastajecca całkam kantralavanym. Na hety momant na terytoryi Biełarusi nastupalnych hrupovak Rasii nie nazirajecca. U toj ža čas Rasija praciahvaje vykarystoŭvać Biełaruś jak bazu dla padrychtoŭki svaich padraździaleńniaŭ i palotaŭ vajskovaj avijacyi.

Takim čynam, uličvajučy novyja mahčymyja ryzyki, źviazanyja z hatoŭnaściu Łukašenki raźmiaścić u siabie najmitaŭ z pryvatnych vajskovych kampanij, Ukraina ŭmacoŭvaje svaju abaronu na hetym kirunku, jak adznačaje śpikier DPSU.

Raźvićcie situacyi ŭ Biełarusi znachodzicca na pastajannym kantroli i pastajanna adsočvajecca, jak kaža Dziemčanka.

Pavodle jaho słoŭ, najaŭnaja infarmacyja, u tym liku i z adkrytych krynic, śviedčyć ab praviadzieńni rabot pa ŭładkavańni miescaŭ dla dalejšaha raźmiaščeńnia rasijskich najmitaŭ z PVK. A ŭličvajučy padtrymku, jakuju Rasii akazvaje Biełaruś, kolkaść najmitaŭ, jakich zachoča pryniać Łukašenka, moža być vielmi značnaj. Havorka moža iści pra 8 tysiač čałaviek, jak kaža aficer.

Da prykładu, pa danych DPSU, kolkaść rasijskich vajskoŭcaŭ z padraździaleńniaŭ rehularnaj armii, jakija znachodziacca ŭ Biełarusi, na siońnia składaje kala 2 tysiač.

I choć razhortvańnie palavych łahieraŭ nazirajecca na značnaj adlehłaści ad miažy Ukrainy, jakraz znachodžańnie najmitaŭ u Biełarusi składzie dadatkovuju patencyjnuju pahrozu našaj krainie, u pieršuju čarhu źviazanuju z dyviersijnaj pracaj i stvareńniem roznaha rodu pravakacyj, jak adznačyŭ Dziemčanka.

«Dla ŭzmacnieńnia miažy ź Biełaruśsiu rašeńniem Staŭki było vyznačana hałoŭkamu i kamandujučamu Paŭnočnaha napramku vykanać nieabchodny kompleks mierapryjemstvaŭ. Adznačym, što padraździaleńni DPSU dobra razumiejuć pahrozy, jakija mohuć być z kirunku Biełarusi, i razam ź inšymi składnikami Sił abarony Ukrainy znachodziacca ŭ pastajannaj hatoŭnaści da reahavańnia na mahčymyja pravakacyi z boku praciŭnika i rašučych dziejańniaŭ u adkaz», — reziumavaŭ Dziemčanka.

Kamientary4

  • Dziad́źka ŭ Vilni
    01.07.2023
    Nam i adnaho - zanadta mnoha.
  • *
    01.07.2023
    Było skazana ŭ Biełaruś, značyć tak i budzie. Skazana jadziernaja zbroja, značyć budzie. Biełaruś heta častka terytoryi Rasiei z farmalnym statusam niezaležnaści, tak by mović troški lapiejšy status čym u Čačenii, prynamsi vonkava
  • rom
    01.07.2023
    *, i užo daunym dauno!! Jašče tady, kali tamu chto vychodiu u 2020 było usie dobra ..

Ciapier čytajuć

Litva rychtuje žorstki adkaz Biełarusi: mahčymaje doŭhaterminovaje zakryćcio miažy i spynieńnie tranzitu ŭ Kalininhrad40

Litva rychtuje žorstki adkaz Biełarusi: mahčymaje doŭhaterminovaje zakryćcio miažy i spynieńnie tranzitu ŭ Kalininhrad

Usie naviny →
Usie naviny

25‑hadovy chłopiec z Navahrudka, jaki byŭ na mitynhach za Łukašenku ŭ 2020-m, pajechaŭ vajavać z Ukrainaj. I zahinuŭ35

Hetym razam zondaŭ na biełaruska-litoŭskaj miažy zafiksavana ŭ dva-try razy mieniej, čym siarod tydnia

U Minsku siońnia admianili fiestyval ahniu z-za daždžu

20‑hadovy maładzion na BMW u Minsku nie daŭ rady kiravańniu i ŭrezaŭsia ŭ słup i jašče ŭ adzin aŭtamabil3

Ministr zamiežnych spraŭ Litvy: Kali źmiena formy achovy pieraškadžaje dziejnaści Cichanoŭskaj — treba pra heta havaryć12

Nastupnaj nočču Jeŭropa pierachodzić na zimovy čas5

Pamierła maci-karaleva Tajłanda. Jaje nazyvali ikonaj stylu

Były śpiecnazaviec apynuŭsia ŭ invalidnym vazku — i staŭ majstram pa manikiury13

Tramp spadziajecca na dapamohu Kitaja dla zakančeńnia vajny va Ukrainie

bolš čytanych navin
bolš łajkanych navin

Litva rychtuje žorstki adkaz Biełarusi: mahčymaje doŭhaterminovaje zakryćcio miažy i spynieńnie tranzitu ŭ Kalininhrad40

Litva rychtuje žorstki adkaz Biełarusi: mahčymaje doŭhaterminovaje zakryćcio miažy i spynieńnie tranzitu ŭ Kalininhrad

Hałoŭnaje
Usie naviny →

Zaŭvaha:

 

 

 

 

Zakryć Paviedamić