U Haazie zapracavaŭ Mižnarodny centr pa rasśledavańni vajny va Ukrainie — pieršy krok da trybunała nad rasijskimi ŭładami
U Mižnarodny centr sudovaha pieraśledu za złačynstvy ahresii (ICPA) uvachodziać prakurory z Kijeva, ES, ZŠA i Mižnarodnaha kryminalnaha suda, jak paviedamlaje Ruskaja słužba Bi-bi-si.
«Dziakujučy ICPA niezaležnyja prakurory z roznych krain zmohuć štodnia pracavać razam u adnym miescy, chutka i efiektyŭna abmieńvacca dokazami i ŭzhadniać ahulnuju stratehiju rasśledavańnia i sudovaha pieraśledu, — havorycca ŭ pres-relizie ab stvareńni centra. — Praca ICPA dazvolić efiektyŭna padrychtavać i ŭnieści ŭkład u budučy sudovy pieraśled złačynstvaŭ ahresii».
Heta značyć, praca centra — heta pieršy krok da stvareńnia śpiecyjalnaha trybunała, jaki moh by pryciahnuć da adkaznaści rasijskich čynoŭnikaŭ za raźviazvańnie vajny suprać Ukrainy.
Vajna va Ukrainie samaja zadakumientavanaja ŭ historyi, jak padkreślivajuć stvaralniki centra, i ŭpieršyniu aktyŭnaje rasśledavańnie złačynstvaŭ ahresii pravodzicca ŭžo ŭ pracesie vajny, a nie paśla jaje zakančeńnia.
«U toj ža čas my majem spravu ź mižnarodnym złačynstvam, jakoje redka pieraśledavałasia ŭ sudovym paradku i ŭ dačynieńni da jakoha nie isnuje standartnaj praktyki», — pišuć jany.
Da hetaha času adzinym abvinavačańniem, vysunutym mižnarodnaj arhanizacyjaj suprać rasijskich uład u kantekście vajny va Ukrainie, byŭ ordar na aryšt Pucina i ŭpaŭnavažanaj pa pravach dziaciej Maryi Lvovaj-Białovaj, vypisany Mižnarodnym kryminalnym sudom. Abvinavačańni suprać ich tyčacca vyklučna departacyi ŭkrainskich dziaciej.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk2
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1919
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu19
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Dyk nafih jen patrebien toj trybunał
Tri łahieria i bazy, dla tierroristov, za hosudarstviennyj sčiot (eto nie finansirovanije tierrorizma?) Biełarusi stroitsia, eto kak, norma, eto nie finansirovanije mieždunarodnoho
tierrorizma ? Za eto sudiť nie nado ?