Nieruchomaść33

Kolki kaštuje adpačyć na voziery Narač: sanatoryi, siadziby, haścinicy, turstajanki

U Biełarusi tysiačy azior, a samaje viadomaje i vialikaje — Narač. Jaho płošča — 80 kvadratnych kiłamietraŭ. Biełaruskaje mora. A ŭ akruzie jašče piać dziasiatkaŭ azior: Miastra, Miadzieł, Biełaje, kazačnyja Błakitnyja aziory.

U Nacyjanalnym parku možna adpačyć u hatelach i katedžach. Miescy na asobnyja daty lipienia i žniŭnia jašče možna znajści, ale nie ŭsiudy, raspaviadaje «Kamsamołka».

Haścinica

U trochzorkavym hateli «Narač» adnapakajovy adnamiesny numar u hateli kaštuje ad 63 biełaruskich rubloŭ, dvuchmiesny — ad 115 rubloŭ. 

Haścinica «Narač». Fota: narochpark.by

Pražyvańnie ŭdvaich u dvuchpakajovych dvuchmiesnych numarach — ad 134 da 213 rubloŭ u zaležnaści ad kłasa numara, dadatkovaje miesca — ad 58 da 95 rubloŭ.

Aŭtakiempinh «Narač» raźmieščany ŭ malaŭničym bary na bierazie voziera Narač za 12 kiłamietraŭ ad pasiołka. 

Tam jość haścinica na 13 numaroŭ (da 40 čałaviek). U košt uklučany śniadanki. Dvuchmiesny numar u hateli na dvuch čałaviek — 115 rubloŭ (dadatkovaje miesca — 48 rubloŭ), čatyrochmiesny (na čaćviarych) — 247 rubloŭ.

Nievialikaja čatyrochmiesnaja chatka aŭtakiempinha abydziecca ŭ 180 rubloŭ u sutki (dadatkovaje miesca — 22 rubli).

Samy tanny varyjant u aŭtakiempinhu — modul na 38 miescaŭ, tam 14 numaroŭ. Cana na čałavieka — ad 19 da 22 rubloŭ. Ale sanvuzieł tam ahulny, tak što heta varyjant dla tych, chto hatovy žyć u spartanskich umovach.

Haściavy dom

Na terytoryi parku jašče možna raźmiaścicca ŭ haściavych damach. Samy vialiki — «Prońki» — mieścić dzieviać čałaviek. U dvuchpaviarchovym katedžy jość usie vyhody dla kamfortnaha adpačynku. Košt za sutki — 300 rubloŭ.

Dva adnatypnyja dvuchpaviarchovyja katedžy vioski Antaniśbierh padzieleny na dźvie častki, u kožnaj pałovie pa čatyry asnoŭnyja miescy (za ŭsio — 180 rubloŭ) i dva dadatkovyja (adno dadatkovaje miesca — 22,50).

Namiot

Dla ramantykaŭ, jakija lubiać hatavać na vohniščy i žyć u namiotach, u parku jość 20 turystyčnych stajanak, kudy navat drovy padvoziać. Košt — 11,70 rubla za sutki z čałavieka.

Adna z turystyčnych stajanak. Fota: narochpark.by

Sanatoryj

Na bierahach Naračy jość niekalki sanatoryjaŭ. Kali vy raptam vyrašyli adpačyć i padlačycca, to miescy jašče možna znajści. Vybar užo nievialiki, ale pakul jość. 

Naprykład, u adnym z sanatoryjaŭ pucioŭka na žnivień z 4-razovym charčavańniem, ale bieź lačeńnia, u dvuchmiesnym numary abydziecca ŭ 89 rubloŭ u sutki, ź lačeńniem — 108 rubloŭ. 

U inšym sanatoryi jašče jość mahčymaść adpačyć u siaredzinie lipienia. Bieź lačeńnia — 143 rubli ŭ sutki na čałavieka, ź lačeńniem — 165 rubloŭ.

Chatka ŭ vioscy

U Naračanskim krai šmat azior, a vakoł ich — ahrasiadzib. Možna znajści chatu jak na samoj Naračy, tak i na inšych aziorach. Cana za nievialikuju chatku na try čałavieki budzie startavać ad 100—120 rubloŭ.

Dom, jaki moža pryniać užo dziesiać čałaviek, budzie kaštavać 250—300 rubloŭ. Heta biez charčavańnia, ale pa damoŭlenaści niekatoryja haspadary mohuć hatavać dla haściej. Na lipień vybar siadzib, viadoma, mienšy, zatoje na žnivień prapanoŭ chapaje.

Kvatera

Dla tych, chto lubić pryrodu, ale nie da takoj stupieni, kab pieratvarycca ŭ viaskovaha žychara ci turysta z zaplečnikam, jość varyjanty z haradskim žyllom. 

U samim kurortnym pasiołku zdajucca kvatery ŭ dvuch— i piacipaviarchovych damach. Adna-, dvuchpakajovaja kvatera budzie kaštavać u miežach 80—120 rubloŭ za sutki.

Čytajcie taksama: 

Zrabiŭ łaźniu z chlava, vykapaŭ sažałku i buduje kaplicu. Biełarus pierajechaŭ na chutar u Paleśsi i staŭ papularnym błohieram, raskazvajučy pra svaju haspadarku

Dom z kramaj «Akijan» u Minsku pa zadumcy architektaraŭ mieŭsia vyhladać zusim inakš. Ekskluziŭnyja foty

Spatrebiłasia try hady i $200 000. Jak vyhladaje niezvyčajny dom-ziamlanka biełaruskaha architektara

Kamientary3

  • Čyfir
    06.07.2023
    Tanna. Miarkuju, što za takija hrošy tam užo hod nazad usio skuplena albo zabraniravana. Možna navat hrošy rabić, zabraniravać za aficyjnuju canu, a potym "pradać" broń u 2 razy daražej. Ja nikoha nie pichaju na taki krok, kryj boža, prosta razhladaju pytańnie z usiebakovych pazycyjaŭ... Heta maralna.
  • Maksim Dizajnier
    06.07.2023
    Adpačyć?Vy sieŕjezno?
  • Čyfir
    06.07.2023
    Maksim Dizajnier, u biełokamiennych sprosi, oni vsie sanatorii Biełarusi zapołniajut do pleški. I čio oni v nich diełajut ? I sieŕjozno-li ?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi7

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Usie naviny →
Usie naviny

U Viciebskaj vobłaści karova naradziła ad zubra12

SK pachvaliŭsia, što identyfikavaŭ bolš za 1000 karystalnikaŭ prahramy «Novaja Biełaruś»4

BNTU: Vykładčyk, jaki ŭciakaŭ ad milicyi, pamior ad sardečnaha prystupu51

Dalar na tarhach apuściŭsia nižej za try rubli1

Prapała žonka eks-chakieista zbornaj Illi Kaznadzieja5

Jak pastupić u Jeŭrapiejski humanitarny ŭniviersitet u 2025 hodzie? Raskazvajem1

U dvoryku BNTU pamior čałaviek, jaki ŭciakaŭ ad milicyi2

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu2

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

bolš čytanych navin
bolš łajkanych navin

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi7

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić