U Rasii raźvitalisia ź idejaj stvareńnia vajskovaha «karabla-nievidzimki». Niama ni hrošaj, ni technałohij
Adzin z najbujniejšych vajskova-techničnych prajektaŭ rasijskaha fłotu — budaŭnictva najnoŭšaha «karabla-nievidzimki» pa technałohii «stełs» — skončyŭsia fijaska. Prahrama budaŭnictva rakietnych stełs-karvietaŭ prajekta 20386, na jakich płanavali realizavać kancepcyju małaprykmietnaści, modulny pryncyp uzbrajeńniaŭ i mahčymaść bazavańnia bieśpiłotnikaŭ, zakrytaja, paviedamiła TASS sa spasyłkaj na krynicu ŭ abaronna-pramysłovym kompleksie.
Karabiel, jaki pačali raspracoŭvać jašče ŭ 2013 hodzie, a budavać u 2016-m, raźličvajučy da 2025 hoda ŭvieści ŭ skład fłotu nie mienš za try adzinki, u ciapierašnim vyhladzie nie ŭvojdzie ŭ skład fłotu, jak raspavioŭ surazmoŭca ahienctva.
Adziny karabiel sieryi — karviet «Dziorzki», jaki byŭ zakładzieny na «Paŭnočnaj vierfi» i ŭžo abyšoŭsia rasijskamu biudžetu ŭ 29 młrd rubloŭ (kala 310 młn dalaraŭ), — sa słoŭ krynicy TASS, budzie pieraprajektavany. Bolš za 10 hadoŭ pracy nad karablom pakazali, što jon technična zanadta składany, a vydatki na jaho — zanadta vialikija. Vysoki kaeficyjent navizny i raźlikovy košt nie dazvalajuć naładzić jaho sieryjnaje budaŭnictva, skazała krynica TASS.
Budaŭnictva fłotu było ŭklučana ŭ pieralik pryjarytetaŭ maštabnaj dziaržprahramy ŭzbrajeńniaŭ, jakaja kaštavała rasijskamu biudžetu 20 trłn rubloŭ (kala 250 młrd dalaraŭ) za apošnija 10 hadoŭ. Na karabli dla VMF vydzialałasia kala 5 trłn rubloŭ (kala 55 młrd dalaraŭ), ź jakich pałova pavinna była pajści na novyja raspracoŭki. Adnak sankcyi, uviedzienyja spačatku paśla anieksii Kryma ŭ 2014 hodzie, a paśla ŭ vyniku raźviazvańnia Kramlom poŭnamaštabnaj vajny z Ukrainaj, faktyčna paralizavali budaŭnictva rasijskich karabloŭ, u tym liku hramadzianskich.
Zrešty, pra toje, što ambicyjny prajekt 20386 u ciapierašnich umovach nievykanalny, rasijskija śpiecyjalisty pisali jašče da pačatku vajny va Ukrainie.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?12
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary