U Minsku pierad vybarami nastaviać jašče bolš kamier videanazirańnia
Sietku kamier videanazirańnia ŭ Minsku prykmietna pašyrać. Pra heta havaryli na pracoŭnaj sustrečy ŭ Minharvykankamie z udziełam staršyni Minharvykankama Uładzimira Kucharava i načalnika minskaj milicyi Michaiła Hryba, jak paviedamiŭ telehram-kanał «Milicyja Minska».
U pieršuju čarhu kamierami videanazirańnia chočuć abstalavać usie ŭčastki dla hałasavańnia na vybarach, zapłanavanych u nastupnym hodzie, prykryvajučysia nibyta nieabchodnaściu «zabiaśpiečyć prazrystaść i biaśpieku hramadzian».
Ale i paśla taho spyniacca nichto nie źbirajecca: stavicca zadača pavialičyć kolkaść kamier u stalicy, uklučanych u tak zvanuju Respublikanskuju sistemu videamanitorynhu, jak minimum utraja.
Praŭda, raniej płany byli jašče bolš ambicyjnyja, bo načalnik minskaj milicyi Michaił Hryb u krasaviku kazaŭ pra płany pašyryć sietku kamier u stalicy da 30 tysiač zamiest ciapierašnich šaści, to-bok nie ŭ try, a ŭ piać razoŭ.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary