У Мінску перад выбарамі наставяць яшчэ больш камер відэаназірання
Сетку камер відэаназірання ў Мінску прыкметна пашыраць. Пра гэта гаварылі на працоўнай сустрэчы ў Мінгарвыканкаме з удзелам старшыні Мінгарвыканкама Уладзіміра Кухарава і начальніка мінскай міліцыі Міхаіла Грыба, як паведаміў тэлеграм-канал «Міліцыя Мінска».
У першую чаргу камерамі відэаназірання хочуць абсталяваць усе ўчасткі для галасавання на выбарах, запланаваных у наступным годзе, прыкрываючыся нібыта неабходнасцю «забяспечыць празрыстасць і бяспеку грамадзян».
Але і пасля таго спыняцца ніхто не збіраецца: ставіцца задача павялічыць колькасць камер у сталіцы, уключаных у так званую Рэспубліканскую сістэму відэаманіторынгу, як мінімум утрая.
Праўда, раней планы былі яшчэ больш амбіцыйныя, бо начальнік мінскай міліцыі Міхаіл Грыб у красавіку казаў пра планы пашырыць сетку камер у сталіцы да 30 тысяч замест цяперашніх шасці, то-бок не ў тры, а ў пяць разоў.
Каментары