Domiki na bierazie. Hladzim niedarahija varyjanty kala Naračy, Śviciazi i Śviry
Možna ŭsio žyćcio vynošvać maru pra daču kala mora, ale tak i nie realizavać jaje. Realt prapanuje pryhledziecca da nieruchomaści na bierazie našych azior — damy, jakija sami pa sabie kaštujuć niadoraha, ale miesca vyznačaje ich kaštoŭnaść.
Śvir, Miadzielski napramak, 154 km ad MKAD
Haradski pasiołak staić na bierazie voziera Śvir. Pobač — Błakitnyja aziory, Narač. Dom tut u krokavaj dastupnaści ad bieraha.
Dom draŭlany, abkładzieny cehłaj. Ahulnaja płošča — 64,9 kv. m. Vada — kałodziež z pompaj, haz na ŭčastku, padviedzieny da doma.
Na ŭčastku (20 sotak) znachodziacca łaźnia, dva chlavy i sad z pładanosnymi drevami.
Hety varyjant kaštuje 14 000 dalaraŭ.
Papoŭcy, Miadzielski napramak, 155 km ad MKAD
Vioska znachodzicca na terytoryi bijaśfiernaha nacyjanalnaha parku «Naračanski», prosta na bierazie voziera Małyja Švakšty. Vakoł doma na mnohija kiłamietry raskinuŭsia les, u siezon bahaty na hryby i jahady. U radyusie 3-9 km raźmieščany park «Błakitnyja aziory».
Tut pradajecca dom na 57 kv. m. U im 3 pakoi, kuchnia, stałovaja, vanny pakoj z prybiralniaj, vieranda.
Aciapleńnie paravoje, ź ciopłaj padłohaj na kuchni i radyjatarami ŭ spalniach. Chałodnaja i haračaja vada praviedzienaja ŭ dom, kanalizacyja miascovaja. Na kuchni — bałonny haz. Jość telefon, internet.
Pamier učastka — 25 sotak. Na im znachodziacca haspadarčyja pabudovy i łaźnia. Za ŭsio heta prosiać 14 000 dalaraŭ.
Parečča, Brescki napramak, 144 km ad MKAD
Vioska nievialikaja, cichaja, pobač z malaŭničym vozieram Śviciaź.
Aciapleńnie piačnoje, vada sa studni.
Da doma prykładajecca vialiki ŭčastak na 80 sotak z sadam, niedabudavanym domam, dvuma haražami i sklepam. Cana — 8 000 dalaraŭ.
Jarošyčy, Brescki napramak, 139 km ad MKAD
Vioska znachodzicca ŭ baku ad trasy, miesca spakojnaje i cichaje, z brukavanaj vulicaj. Za dva kiłamietry praź les — voziera Śviciaź.
Dom draŭlany, na 56 «kvadrataŭ». Usiaredzinie ababity drevam. Paru hadoŭ tamu pierakłali ruskuju pieč i zrabili lažanku — usio pracuje. Majecca sučasnaja mebla.
Pobač z domam rastuć vysokija jełki, jość pładovyja drevy. Na ŭčastku ŭ 25 sotak znachodziacca altanka, haściavaja chatka, nievialikaja sažałka z rybkami, letni duš. Za ŭsio heta prosiać nie tak užo i šmat — 5700 dalaraŭ.
Hatavičy, Miadzielski napramak, 140 km ad MKAD
Miesca ŭnikalnaje: znachodzicca pamiž dvuch samych viadomych biełaruskich azior Narač i Miastra.
Dom draŭlany, abkładzieny cehłaj.
U astatnim ža heta kłasičny viaskovy dom — ź piačnym aciapleńniem i vadoj sa studni. Pa vulicy prachodzić haz, tamu jaho možna zrabić bolš kamfortnym.
Pamier učastka — 24 sotki. Cana takoha varyjanta — 23 000 dalaraŭ.
Zrabiŭ łaźniu z chlava, vykapaŭ sažałku i buduje kaplicu. Biełarus pierajechaŭ na chutar u Paleśsi i staŭ papularnym błohieram, raskazvajučy pra svaju haspadarku
Dom z kramaj «Akijan» u Minsku pa zadumcy architektaraŭ mieŭsia vyhladać zusim inakš. Ekskluziŭnyja foty
Ułady Minska raskazali, kali pačnuć budavać kvatery na miescy šmatpakutnaha «Hulivier
Ciapier čytajuć
Kamientary