Prezidentu Rasii Uładzimiru Pucinu nie ŭdasca złamać NATA, asabliva pakul hienieralnym sakratarom Paŭnočnaatłantyčnaha aljansu zastajecca Jens Stołtenbierh, jak zajaviŭ prezident ZŠA Džo Bajden u Vilni.
Jens Stołtenbierh i Džo Bajden. Vilnia, 11 lipienia 2023 hoda. Fota: Mindaugas Kulbis / AP
«Prezident Pucin usio jašče dumaje, što moža złamać NATA, ale jon hetaha nie zmoža zrabić, asabliva kali ty z nami», — skazaŭ Bajden Stołtenbierhu, vitajučy jaho na samicie NATA ŭ Vilni.
Jon dadaŭ, što vielmi važna, što Stołtenberh praciahvaje ŭznačalvać NATA padčas ukrainskaha kanfliktu.
«Nichto nie viedaje situacyju lepš, čym ty. I heta histaryčny momant, Finlandyja i Šviecyja ŭstupajuć u NATA, tvajo lidarstva adyhryvaje vialikuju rolu», — dadaŭ amierykanski prezident.
Kamientary