Rasijskija vajskovyja pabliki paviedamlajuć ab zvalnieńni jašče adnaho hienierała
Pavodle aficyjna nie paćvierdžanaj infarmacyi, Uładzimir Sieliviorstaŭ byŭ adchileny ad pasady kamandzira 106-j pavietrana-desantnaj dyvizii, jakaja ciapier vajuje pad Bachmutam.
Pryčynaj adchileńnia, taksama jak i ŭ vypadku niadaŭniaj hučnaj adstaŭki kamandujučaha 58-j ahulnavajskovaj armijaj Paŭdniovaj vajennaj akruhi hienierał-majora Ivana Papova, nazyvajecca kanflikt z vyšejšym armiejskim kiraŭnictvam. To-bok z načalnikam hienštaba Hierasimavym i ministram abarony Šajhu, jak piša «Politika strany».
Charakterna, što rasijskija pabliki ilustrujuć paviedamleńni ab adchileńni Sieliviorstava jaho sumiesnym fota z hubiernataram Tulskaj vobłaści Alaksiejem Dziuminym. Samo pa sabie heta fota nie dziŭnaje, bo štab 106-j dyvizii znachodzicca ŭ Tule, a samo padraździaleńnie časta nazyvajuć «Tulskaj pavietrana-desantnaj dyvizijaj».
Adnak u kantekście padziej, jakija adbyvajucca ŭ RF, jano dosyć pakazalnaje.
Bo Dziumina jašče da buntu nazyvali kurataram PVK «Vahnier» i Pryhožyna. Pa raspaŭsiudžanaj viersii, metaj najezdaŭ Pryhožyna na Šajhu i Hierasimava była ich adstaŭka i zamiena na Dziumina i Suravikina adpaviedna. Navat paśla pravału buntu «pryhožynskaja» sietka telehram-kanałaŭ praciahvała pisać, pra toje, što Dziumina nibyta pryznačać na pasadu ministra abarony, a Suravikina — na pasadu načalnika hienštaba.
Adnak pakul padziei razhortvajucca roŭna ŭ advarotnym kirunku. Suravikin źnik z suviazi, a vojenačalnikaŭ, blizkich da jaho i da Dziumina (adnaho z samych nabližanych da Pucina ludziej), adchilajuć z pasad.
Miž tym u siecivie źjaviŭsia zvarot padnačalenych u abaronu kamandujučaha PDV hienierała Michaiła Ciaplinskaha, jakoha nibyta taksama chočuć adpravić u adstaŭku. Hetuju infarmacyju taksama aficyjna nie paćvierdzili.
-
«Prosta rychtujuć hlebu, kab nanieści ŭdary». Zialenski abvierhnuŭ abvinavačańnie ŭ atacy na pucinskuju rezidencyju
-
Rasija abvinavaciła Ukrainu ŭ atacy na rezidencyju Pucina, pahražaje adpłataj
-
Rasijski suchahruz, jaki letaś zatanuŭ kala bierahoŭ Ispanii, moh vieźci detali atamnaha reaktara dla KNDR
Kamientary