Prezident Mižnarodnaha paralimpijskaha kamiteta (MPK) Endru Parsans nie vyklučaje, što rasijskija i biełaruskija spartsmieny mohuć być nie dapuščanyja da ŭdziełu ŭ Paralimpijskich hulniach u Paryžy ŭ nastupnym hodzie. Pra heta jon raspavioŭ u intervju japonskamu telekanału NHK, piša TASS.
«Napiaredadni Paralimpijskich hulniaŭ u Paryžy my možam pryniać rašeńnie, adroznaje ad MAK. Heta moža pryvieści da dvuch roznych vynikaŭ u Paryžy», — skazaŭ Parsans u adkaz na pytańnie ab dopusku spartsmienaŭ z RF i Biełarusi na Paralimpijadu.
28 sakavika vykankam Mižnarodnaha alimpijskaha kamiteta (MAK) rekamiendavaŭ mižnarodnym spartyŭnym fiederacyjam dapuskać rasijskich i biełaruskich atletaŭ vyklučna ŭ niejtralnym statusie, pryčym tolki tych, chto publična nie vykazvaŭsia ŭ padtrymku vajny i chto nie źviazany z Uzbrojenymi siłami abo orhanami nacyjanalnaj biaśpieki.
Pry hetym rasijskija i biełaruskija spartsmieny nie pavinny być pradstaŭleny ŭ kamandnych vidach sportu. MAK jašče nie pryniaŭ kančatkovaha rašeńnia ab umovach udziełu rasijskich i biełaruskich spartsmienaŭ u Alimpijskich hulniach, jakija projduć u Paryžy z 26 lipienia pa 11 žniŭnia 2024 hoda. Čakajecca, što heta rašeńnie budzie pryniata ŭ vieraśni.
U 2022 hodzie biełaruskija i rasijskija spartsmieny pavinny byli ŭziać udzieł u Paralimpijadzie ŭ Piekinie, adnak u suviazi z pačatkam poŭnamaštabnaj vajny va Ukrainie MPK pryniaŭ rašeńnie nie dapuskać ich da spabornictvaŭ.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž18
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary