U Minpracy raspaviali, chto moža raźličvać na materyjalnuju dapamohu da škoły
Pryjom zajaŭ na atrymańnie finansavaj padtrymki ŭžo pačaŭsia.
Kala 115 tysiač šmatdzietnych siemjaŭ mohuć pretendavać na atrymańnie materyjalnaj dapamohi da navučalnaha hoda. Pra heta paviedamili ŭ Ministerstvie pracy i sacyjalnaj abarony, piša Tochka.by.
Finansavaja padtrymka praduhledžanaja dla siemjaŭ, jakija vychoŭvajuć traich i bolš niepaŭnaletnich dziaciej. Takich u krainie bolš za 240 tysiač.
«Pamier dapamohi składaje 30% biudžetu pražytačnaha minimumu, jaki dziejničaje na 1 žniŭnia 2023 hoda, na kožnaha školnika ŭ siamji. Na hety vid padtrymki ŭ miascovych biudžetach zapłanavana zvyš 26 młn rubloŭ», — udakładnili ŭ Minpracy.
Dziaržaŭnaja adrasnaja sacdapamoha
Na finansavuju padtrymku dla kupli adzieńnia i abutku, a taksama kancylarskich pryład da škoły mohuć raźličvać małazabiaśpiečanyja siemji i baćki dziaciej ź invalidnaściu. Heta moža być adnarazovaja i (abo) štomiesiačnaja sacyjalnaja dapamoha ŭ ramkach dziaržaŭnaj adrasnaj sacyjalnaj dapamohi.
U ministerstvie raspaviali, što pamier takich vypłat — heta kampietencyja rajonnych kamisij. Pryčym takija pytańni vyrašajucca indyvidualna, uličvajucca dachody i kankretnaja žyćciovaja situacyja.
Dapamoha pa miescy pracy
Baćki, u jakich jość dzieci-školniki, mohuć atrymać dapamohu i ŭ arhanizacyi, dzie jany pracujuć.
Hetaja dapamoha akazvajecca pa ŭmovach kalektyŭnaj damovy i inšych unutranych dakumientaŭ pradpryjemstva, udakładnili ŭ Minpracy.
Dabračynnaja dapamoha
U lipieni-žniŭni pa ŭsioj Biełarusi projduć roznyja dabračynnyja akcyi i kirmašy «Źbiary dzicia ŭ škołu».
Ich arhanizujuć centry sacabsłuhoŭvańnia nasielnictva, dabračynnyja fondy i hramadskija abjadnańni.
Kamientary