Blinkien pra F16: Spatrebiacca miesiacy, pierš čym ukraincy pačnuć ich realna prymianiać
«Sprava nie tolki ŭ samim abstalavańni. Heta jašče i vučoba. Heta techničnaje absłuhoŭvańnie», — kaža dziaržsakratar ZŠA.
Dziaržsakratar ZŠA Entani Blinkien zajaviŭ, što Ukraina atrymaje amierykanskija źniščalniki F-16, ale spatrebiacca miesiacy, pierš čym ukrainskija ŭzbrojenyja siły zmohuć ich užyvać. Pra heta jon zajaviŭ u intervju CNN.
«Cprava nie tolki ŭ samim abstalavańni. Heta jašče i vučoba. Heta techničnaje absłuhoŭvańnie. Heta ŭmieńnie vykarystoŭvać jaho ŭ vajennych apieracyjach. Na ŭsio heta patrebny čas. Kali b zaŭtra była pryniataja pastanova ab pieradačy F-16, to prajšli b miesiacy i miesiacy da taho, jak jany byli b realna prymienienyja».
Pa jaho słovach, ZŠA pracujuć nad pieradačaj F-16 Ukrainie, ale hetaha niedastatkova, bo patrebnaja jašče prahrama vučeńniaŭ.
Blinkien dadaŭ, što «praces adnosna F-16 prasoŭvajecca».
Raniej kaardynatar Rady nacyjanalnaj biaśpieki Biełaha doma ŭ stratehičnych kamunikacyjach Džon Kirbi zajaviŭ, što źniščalniki F-16 mohuć źjavicca va ŭkrainskim vojsku da kanca hetaha hoda.
Pierad hetym try dziasiatki deputataŭ Jeŭrapiejskaha parłamienta dałučylisia da zakliku jak maha chutčej pieradać Ukrainie źniščalniki čaćviortaha pakaleńnia F-16, navučańnie na jakich ukrainskija lotčyki pačnuć u žniŭni.
Nahadajem, na samicie NATA ŭ Litvie ministr abarony Ukrainy Alaksiej Reźnikaŭ padpisaŭ miemarandum z 11 krainami — siabrami kaalicyi, jaki vyznačaje ŭmovy navučańnia ŭkrainskich piłotaŭ na źniščalnikach F-16.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary