«Heta vielmi mocna adbiłasia na psichicy budučaha kiraŭnika najmitaŭ».
Kiraŭnik PVK «Vahnier» Jaŭhien Pryhožyn užo daŭno chodzić z adsiečanaj fałanhaj bieznazoŭnaha palca na levaj ruce. Zasnavalnik arhanizacyi «Hułahu.niet» Uładzimir Asiečkin raskryŭ padrabiaznaści i pryčynu hetaha zdareńnia.
Adpaviednaj infarmacyjaj jon padzialiŭsia ŭ intervju ŭkrainskaj žurnalistcy Alesie Bacman na jaje jutub-kanale.
Pavodle źviestak Asiečkina, zasnavanych na pakazańniach adrazu niekalkich ludziej, blizka znajomych ź situacyjaj, Jaŭhiena Pryhožyna pazbavili častki palca za supracoŭnictva z administracyjaj papraŭčaj kałonii, u jakoj toj siadzieŭ jašče ŭ 1980-ych hadach.
«Pryhožyna takim čynam pakarali inšyja asudžanyja za jaho supracoŭnictva z apieratyŭnikami kałonii, bo jon byŭ tak zvanym ahientam, stukačom i byŭ na vielmi niadobrym rachunku. Heta ŭsio adbyłosia ŭ jahony pieršy kryminalny termin u 1980-yja hady. Heta pakinuła vielmi hłyboki psichałahičny śled u charaktary budučaha kiraŭnika vahnieraŭcaŭ», — raspavioŭ Asiečkin.
Jak adznačaje zasnavalnik «Hułahu.niet», Pryhožyn zataiŭ dzikuju złość paśla pazbaŭleńnia častki palca i tych, chto heta ź im zrabiŭ, užo niama ŭ žyvych.
Akramia hetaha, ličyć Asiečkin, Pryhožyn pieranios usiu svaju złość i strachi ŭ PVK «Vahnier», zrabiŭšy adsiačeńnie palca i inšych kancavinaŭ adnym z asnoŭnych vidaŭ fizičnaha pakarańnia, jakoje ŭ tym liku aktyŭna ŭžyvajecca padčas vajny va Ukrainie.
Nahadajem, što ŭ dadzieny momant niekalki tysiač vahnieraŭcaŭ znachodziacca ŭ Biełarusi pad Asipovičami i trenirujuć biełaruskich vajskoŭcaŭ. Sam Pryhožyn z momantu zakančeńnia miaciažu niekalki razoŭ byvaŭ u Biełarusi i navat paśpieŭ aficyjna zarehistravać tut jurydyčnuju asobu.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary