U Tahanrohu Rastoŭskaj vobłaści siońnia prahrymieŭ vybuch. Kala kaviarni «Čechaŭ dvor» u dvary histaryčnaha budynka dziaržbanka, jak paviedamlałasia, vybuchnuła rakieta. Ciapier źjaviłasia i videa hetaha momantu.
Jak raniej paviedamlałasia, na miescy vybuchu ŭtvaryłasia varonka hłybinioj niekalki mietraŭ. Pobač ź joj byli vyjaŭlenyja abłomki i paražalnyja elemienty, charakternyja dla rakiet sistem S-200 abo S-300.
U rasijskim vajskovym viedamstvie śćviardžali, što rakietu nibyta zapuścili Uzbrojenyja siły Ukrainy, a ŭdar byŭ naniesieny zienitnaj rakietaj kompleksu SPA S-200, pieraabstalavanaj u atakujučy varyjant. Rakieta nibyta była źbitaja sistemami SPA, a na ziamlu ŭpali jaje abłomki.
Ad vybuchu paciarpieli prynamsi 14 čałaviek, siemiarych ź ich špitalizavali, paviedamiła rasijskaje Ministerstva achovy zdaroŭja. Epicentr vybuchu pryjšoŭsia na terytoryju Tahanrohskaha mastackaha muzieja. Paśla hetaha ŭ Tahanrohu ŭviali režym nadzvyčajnaha stanovišča, u centry horada pierakryli ruch transpartu.
Jašče adna rakieta S-200 była, pavodle rasijskaha Minabarony, źbitaja kompleksami supraćpavietranaj abarony ŭ Azoŭskim rajonie Rastoŭskaj vobłaści. Pavodle viersii viedamstva, jaje abłomki ŭpali ŭ biaźludnaj miascovaści.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary