Chłopiec byŭ adnym ź pieršych hamielčukoŭ, jakoha asudzili nibyta za «hvałt u dačynieńni da supracoŭnika milicyi».
Sud nad Alaksiejem Hubičam adbyŭsia 4 lutaha 2021 hoda. Tady sudździa Centralnaha rajona Homiela Viktar Kazačok pakaraŭ chłopca tryma hadami kałonii i pastanaviŭ vypłacić «paciarpiełamu» 300 rubloŭ maralnaj škody.
Sudovy praces byŭ zakrytym, tamu blizkich dapuścili tolki na ahałošvańnie prysudu, padčas jakoha stała viadoma, što paciarpieły i śviedka — supracoŭnik milicyi Ivanoŭ Ivan Ivanavič. Pakarańnie chłopiec adbyvaŭ u PK-15 Mahilova.
20 vieraśnia 2020 hoda Alaksiej udzielničaŭ u «Maršy spraviadlivaści». Padčas maršu pačałasia šturchanina, u jakoj nibyta paciarpieŭ inśpiektar kryminalna-vykanaŭčaj inśpiekcyi Pavieł Šapavałaŭ, jakomu «byŭ naniesieny adzin udar pa zadniaj vobłaści pravaj nahi». Svajaki raspačali ŭłasnaje rasśledavańnie, znajšli śviedku i videa, dzie bačna, što milicyjant upaŭ sam. Ale paźniej śledstva znajšło jamu na zamienu inšaha paciarpiełaha — amapaŭca-ananima, jakoha taksama, pa viersii śledstva, niejak traŭmavaŭ Alaksiej Hubič. Svaju maralnuju škodu ananimny paciarpieły amapaviec acaniŭ u dźvie tysiačy rubloŭ, piša «Homielskaja viasna».
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary