«Razumnyja» śviatłafory teścirujuć supracoŭniki staličnaj DAI 1 žniŭnia na vuł. Surhanava nasuprać doma № 76, dzie raźmieščany rehulavany piešachodny pierachod, paviedamlaje ahienctva «Minsk-Naviny».
Vonkava novyja śviatłafory prykmietna adroźnivajucca ad tych, jakija haradžanie i hości stalicy pryvykli štodnia nazirać u Minsku. Adnak zastajucca raniejšymi pryłady dla vykliku, raźmieščanyja paabapał pierachodu na aporach aśviatleńnia. Dastatkova dakranucca dałońniu da pryłady, kab spracavaŭ zvarotny adlik času i zahareŭsia zialony sihnał.
Śviatłafory vypuskajucca ŭ Rasi, jany ŭžo ŭviedzienyja ŭ ekspłuatacyju ŭ niekatorych rasijskich i kazachstanskich haradach. Na vulicy Surhanava ŭ Minsku jany pakul pracujuć u jakaści ekśpierymientu.
U miescach ustanoŭki takich śviatłaforaŭ źnižeńnie avaryjnaści ŭ siarednim składaje 69 %, šmat u čym dziakujučy padśvietcy. Śviatłodyjodnyja śviacilni padśviatlajuć zony tratuara, kali haryć čyrvonych sihnał. Kali zialony — dadatkova aśviatlajecca pierachod. Takoje rašeńnie nibyta dazvalaje pavialičyć aśvietlenaść u rajonie skryžavańnia ŭ ciomny čas sutak u siarednim na 20%.
Kamientary