Polskaje vojska pierakinuła svaje viertaloty bližej da biełaruskaj miažy
Hienierał Marak Sakałoŭski, inśpiektar pa navučańni Hienštaba Uzbrojenych sił Polščy, paviedamiŭ, što polskija vajskoŭcy pierahrupavali viertaloty na terytoryju Padlašskaha vajavodstva, bližej da miažy ź Biełaruśsiu. Jany buduć raźmieščanyja «ŭ režymie nieadkładnaha reahavańnia», pieradaje TVP.
«Što tyčycca avijacyjnaj čaści, to ŭ sieradu viertaloty byli pierahrupavanyja z 1-j avijacyjnaj bryhady Suchaputnych vojskaŭ i z 25-j avijacyjnaj kavaleryjskaj bryhady. Siońnia ŭžo praviedziena papiaredniaja raźviedka miesca ich raźmiaščeńnia. Praviedzieny techničnyja bryfinhi ŭ halinie avijacyi», — adznačyŭ hienierał.
Marak Sakałoŭski paviedamiŭ, što ŭ adpaviednaści z zahadam ministra viertaloty buduć bazavacca ŭ dvuch punktach u režymie nieadkładnaha reahavańnia ŭ vypadku ŭźniknieńnia tryvožnych padziej na miažy.
«Viertaloty ŭzbrojenyja i bajazdolnyja. Tut jość niekalki vielmi daśviedčanych piłotaŭ z poŭnymi pravami na paloty, jość piłoty, jakija fizična vykarystoŭvali sa mnoj bartavoje ŭzbrajeńnie i rakiety ŭ Afhanistanie i Iraku. Jany daśviedčanyja. Kali budzie što-niebudź tryvožnaje, jany biez vahańniaŭ prymieniać zbroju», — zapeŭniŭ jon.
1 žniŭnia ŭviečary stała viadoma pra parušeńnie polskaj pavietranaj prastory z boku Biełarusi dvuma viertalotami.
Spačatku aficyjnaja Varšava admaŭlała fakt parušeńnia pavietranaj prastory, ale paźniej patłumačyła, što pierasiačeńnie miažy adbyłosia ŭ rajonie horada Biełavieža na vielmi nizkaj vyšyni, i heta ŭskładniła vyjaŭleńnie viertalotaŭ radyjołakacyjnymi sistemami.
U adkaz na incydent ministr nacyjanalnaj abarony Polščy Marjuš Błaščak addaŭ zahad ab pavieličeńni kolkaści vajskoŭcaŭ na miažy i razhortvańni dadatkovych sił i srodkaŭ, u pryvatnaści bajavych viertalotaŭ.
Ministerstva abarony Biełarusi admaŭlała fakt parušeńnia biełaruskimi viertalotami dziaržaŭnaj miažy, prytym spačatku rabiła heta ŭ ździeklivaj formie, a paśla pierajšło na bolš dziełavuju manieru kamunikacyi.
Siońnia premjer-ministr Polščy Matevuš Maraviecki i prezident Litvy Hitanas Naŭsieda sustrelisia ŭ Suvałskim kalidory. Jany čakajuć, što kolkaść pravakacyj z boku Rasii i Biełarusi budzie raści.
Polšča nie vyklučaje zakryćcia ŭsich punktaŭ propusku na biełaruskaj miažy
U Pientahonie prakamientavali incydent ź biełaruskimi viertalotami, što zalacieli na terytoryju Polščy
Biełaruskija viertaloty zalacieli na terytoryju Polščy ŭ toj čas, jak Łukašenka treci dzień znachodzicca pobač u Viskulach — «Biełaruski Hajun»
MZS Polščy ličyć incydent ź viertalotami elemientam eskałacyi
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary