Ministerstva zamiežnych spraŭ Polščy vykazała rašučy pratest u suviazi z parušeńniem biełaruskimi viertalotami pavietranaj prastory Polščy i nazvała toje, što adbyłosia, čarhovym elemientam eskałacyi na miažy.
«U suviazi z parušeńniem pavietranaj prastory Respubliki Polšča dvuma biełaruskimi viertalotami 1 žniŭnia 2023 hoda ŭ Ministerstva zamiežnych spraŭ Respubliki Polšča była nieadkładna vyklikanaja časovaja pavieranaja ŭ spravach Pasolstva Biełarusi.
MZS Polščy vykazaŭ rašučy pratest i zaklikaŭ biełaruski bok nieadkładna i padrabiazna rastłumačyć toje, što adbyłosia. Polski bok padkreśliŭ, što incydent razhladajecca jak čarhovy elemient eskałacyi napružanaści na polska-biełaruskaj miažy. Polšča čakaje, što Biełaruś ustrymajecca ad takoha rodu dziejnaści», — havorycca ŭ pres-relizie polskaha MZS.
Raniej stała viadoma, što siońnia dva biełaruskija viertaloty parušyli biełaruska-polskuju miažu i pralacieli nad polskim horadam Biełavieža. Polskija vajskoŭcy fakt pierasiačeńnia miažy viertalotami spačatku asprečvali, ale paśla pryznali, što parušeńnie pavietranaj prastory Polščy sapraŭdy mieła miesca.
Pierasiačeńnie miažy adbyłosia ŭ rajonie Biełaviežy na vielmi małoj vyšyni, što abciažarvaje jaho vyjaŭleńnie radyjołakacyjnymi sistemami. Tamu polskija radyjołakacyjnyja sistemy nie zafiksavali parušeńnia pavietranaj prastory Polščy, patłumačyli ŭ Minabarony Polščy.
Biełaruskaje Minabarony, sa svajho boku, praciahvaje admaŭlać fakt parušeńnia, prytym u svajoj zajavie viedamstva prytrymlivajecca vielmi raźviaznaha i ździeklivaha stylu, raniej charakternaha bolš dla MZS.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ29
Kamientary
Proischodiaŝieje siejčas mnie napominajet skazku pro udava, popuhaja i martyšku. Pomnitie kohda oni riešali: tri oriecha - kuča? A dva oriecha - eto kuča ili niet? A kohda proischodiaŝieje možno budiet nazvať nie eskałacijej, a napadienijem? Stydoba. Mohli i ukraincam pomoċ jeŝio v prošłom hodu i skolko ludiej by nie pohibło.