Prapahandysty pakazali čarnavyja zdymki telekanała «Biełsat» — kadry da ich mahli trapić praz uciečku
6 žniŭnia na BT pakazali zdymki z trenirovak charuhvaŭ «Paspalitaha rušeńnia» ŭ Polščy. Prapahandysty śćviardžajuć, što heta zychodniki videa «Biełsata», jakija trapili da ich.
Ludzi, jakija zaśviacilisia ŭ dziaržaŭnych navinach, naležać da arhanizacyi «Paspalitaje rušeńnie». Ruch prezientuje siabie jak niezaležnaje i dobraachvotnickaje abjadnańnie biełarusaŭ i inšaziemcaŭ, jakija praz vajskovuju, fizičnuju i tearetyčnuju padrychtoŭku imknucca da abarony niezaležnaści Biełarusi i Ukrainy. Ruch składajecca z vaśmi charuhvaŭ, šeść ź jakich znachodziacca na terytoryi Polščy i dźvie — na terytoryi Litvy.
Pavodle prapahandystaŭ, na zdymkach, što trapili ŭ ich ruki, zafiksavanyja zbory troch charuhvaŭ — biełastockaj, urocłaŭskaj i adnoj ź litoŭskich. Treniroŭki nibyta adbyvalisia 1 lipienia ŭ Polščy pad Aŭhustovam.
Prapahandysty śćviardžajuć, što heta zychodniki videa «Biełsata». U niekatorych kadrach bačny aranžava-sini mikrafon z emblemaj kanała, žurnalist «Biełsata». Pa niekatorych momantach videa taksama vidać, što heta nie hatovy siužet, a materyjały ŭ pracy.
Na videa bačny časam niezabluranyja tvary ŭdzielnikaŭ charuhvaŭ.
«Naša Niva» spytałasia ŭ Alaksieja Dzikavickaha, namieśnika dyrektara «Biełsata», jak videa kanała mahło trapić łukašenkaŭcam.
«Nivodnaje ŚMI, asabliva takoje vialikaje, jak «Biełsat», nie zastrachavana ad taho, što ŭ jahonych šerahach moža być ahient, — skazaŭ Dzikavicki. — Kiraŭnictva «Biełsata» dakładna raźbiarecca ŭ situacyi, vinavatyja buduć adpaviedna pakaranyja».
Jak tolki hety vypadak budzie rasśledavany, «Biełsat» u asobie Dzikavickaha abiacaje ahučyć vyniki.
«Naša Niva» — bastyjon biełaruščyny
PADTRYMAĆKiraŭnik «Paspalitaha rušeńnia» raskazaŭ, čyje zahady jany hatovyja vykonvać i z kim kantaktujuć
Unuk Hieroja Savieckaha Sajuza Mikałaja Kiedyški staŭ hołasam Paspalitaha rušeńnia, jakoje choča «vyzvalić Biełaruś»
«Praviarajecca bolš za 200 čałaviek». HUBAZiK pačaŭ zavodzić kryminalnyja spravy za «charuhvy»
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary