Spartyŭnyja čynoŭniki: Paśla Hulniaŭ SND čakajem novaha ministra — Juryja Karajeva
Jak paviedamlajuć «Našaj Nivie» čynoŭniki ad sportu, u viedamstvie abmiarkoŭvajuć mahčymuju asobu novaha ministra, jaki maje źmianić Siarhieja Kavalčuka na pasadzie. Pałkoŭnika pa čutkach zamienić hienierał-lejtenant.
«Čakajem, što budzie novy ministr. Rychtujemsia da Karajeva», «Što Karajeŭ budzie, to čuli. Nu a što? Pałkoŭnika na hienierała pamianiajem, moža, śfiera rvanie napierad», — takija paviedamleńni «Naša Niva» atrymała ad čynoŭnikaŭ siaredniaha źviana, jakija ŭznačalvajuć arhanizacyi, padparadkavanyja Minsportu.
Ludzi havorać, što Hulni SND, ź jakich prapahanda nasupierak realnaści lepić spartovuju zvyšpadzieju, — mohuć stać lebiadzinaj pieśniaj ministra Siarhieja Kavalčuka, byłoha načalnika ŭ struktury Słužby achovy Łukašenki, pałkoŭnika.
Na svajoj pasadzie Kavalčuk z 2018 hoda. Na starcie jahonaj kadencyi Biełaruś pryniała II Jeŭrapiejskija hulni, a na zakančeńni — Hulni SND, dzie pamiž saboj spaborničajuć u tym liku atlety, jakija nie majuć navat darosłych spartovych razradaŭ. A Biełaruś vykinutaja z bolšaści mižnarodnych spabornictvaŭ u vyniku ŭnutranych represij i saŭdziełu ŭ vajnie suprać Ukrainy.
Ministru asabliva niama čym chvalicca, aproč jak ćviordym prytrymlivańniem hienieralnaj linii ŭ častcy represij i hanieńniaŭ.
Mierkavany novy ministr, jakoha čakajuć u spartovaj śfiery, — vychadziec ź siłavoj struktury, jakomu dali dakranucca da ekanomiki na pasadzie pamočnika Łukašenki (Karajeŭ adkazvaŭ za Hrodzienskuju vobłaść).
Syšoŭšy z pasady kiraŭnika MUS, Karajeŭ nie spyniaŭ taksama i svaich adnosin sa sportam, uznačalvajučy Fiederacyju tajskaha boksa. Mahčyma, nie lišnim budzie nahadvać, što pry Karajevie skład hetaj fiederacyi byŭ mocna začyščany.
«Naša Niva» — bastyjon biełaruščyny
PADTRYMAĆCiapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi14
Kamientary