Śviet1212

Litoŭskaja ministarka zastupiłasia za biełarusaŭ: Nie varta hnać ich z krainy

U suviazi z namierami litoŭskich palitykaŭ pierahledzieć uzmacnieńnie strohaści abmiežavańniaŭ na ŭjezd u krainu hramadzian Biełarusi, ministarka ekanomiki i inavacyj Aŭšrynie Armanajcie zajaviła, što takija płany pałochajuć ludziej, jakija ŭciakli ad represij Łukašenki.

Aŭšrynie Armanajcie. Fota ź jaje fejsbuka

Pra heta jana zajaviła paśla taho, jak u sieradu pradstaŭnik Ofisa Śviatłany Cichanoŭskaj paviedamiŭ, što niekatoryja biełaruskija kampanii infarmacyjnych technałohij (IT), jakija pierajechali ŭ Litvu, razhladajuć mahčymaść sychodu z krainy.

«Biznes tam padtrymlivaŭ apazicyju, niejkija kampanii davali pratestoŭcam pieranačavać i hetak dalej, u vyniku kahości prosta vykinuli ź Biełarusi, chtości źbieh, bajučysia represij, eksprapryjacyi majomaści. Litva, Polšča i inšyja krainy stali domam dla hetych kampanij», — adznačyła jana ŭ čaćvier u intervju radyjostancyi Ziniu radijas, piša LRT.

«Ciapier my prapanujem nie pałochać hetych ludziej i nie vyhaniać ich ź Litvy, bo jany prymali rašeńni, źjazdžali, pakidali svaje damy, niekatoryja pryjechali ź dziećmi i źmianili svajo žyćcio», — dadała ministarka.

Pavodle słoŭ A. Armanajcie, zajavy niekatorych palitykaŭ dajuć zrazumieć, što płanavanaje pastražeńnie abmiežavańniaŭ u dačynieńni da biełarusaŭ zakranie i IT-kampanii hetaj krainy, jakija raniej pierajechali ŭ Litvu.

«Ščyra kažučy, ja nie zusim tak razumieju (što nie paŭpłyvaje), bo, kali ja słuchaju daradcaŭ prezidenta ci niekatorych siabroŭ Siejma, ja čuju peŭnyja płany. Jany (IT-kampanii) taksama čujuć, usie sočać za ŚMI, i hetaja niavyznačanaść jość», — adznačyła ministr.

A. Armanajcie padkreśliła, što ŭ Litvu novyja biełaruskija pradpryjemstvy pierajazdžać nie źbirajucca.

Deputaty Siejma zajaŭlajuć, što viernucca da abmierkavańnia ŭviadzieńnia stražejšych abmiežavańniaŭ dla hramadzian Biełarusi, kali ŭ vieraśni pačniecca vosieńskaja siesija parłamienta. Kali jany buduć unifikavanyja z abmiežavańniami, uviedzienymi viasnoj u dačynieńni da hramadzian Rasii, biełarusam stanie jašče ciažej pryjazdžać u Litvu i kuplać nieruchomaść.

Pavodle słoŭ A. Armanajcie, siońniašniaje rehulavańnie, zhodna ź jakim hramadzianie Biełarusi majuć mienš abmiežavańniaŭ, źjaŭlajecca dastatkovym, «jano zbałansavanaje».

Pavodle danych kampanii «Investuok Lietuvoje» («Inviestujcie ŭ Litvie»), ciapier u krainie pražyvaje 5,2 tys. biełaruskich IT-śpiecyjalistaŭ.

Zhodna ź dziejnymi ciapier pravavymi aktami, da 3 maja nastupnaha hoda rasijcam i biełarusam zabaroniena atrymlivać litoŭskija vizy i status elektronnaha rezidenta, ale mahčymaść pryjechać u Litvu i nabyć nieruchomaść dla hramadzian Rasii jašče bolš uskładnienaja, i ich zajavy na dazvoł na žycharstva taksama časova nie prymajucca ŭ Litvie.

Prezident Hitanas Naŭsieda prytrymlivaŭsia pazicyi, zhodna ź jakoj hramadzianie Biełarusi pavinny padviarhacca tym ža abmiežavańniam, što i rasijcy, ale Siejm adchiliŭ jaho vieta i zachavaŭ bolš svabodnyja ŭmovy dla biełarusaŭ.

Kamientary12

  • Voś takija treba hnać za parebryk
    17.08.2023
    Varta vyhaniać łukašystaŭ i impierskich rašystaŭ - to bok tych, chto padtrymlivaje łukašycki režym i rasiejskuju ahresiju!
  • Kamu vyhadna izalacyja biełarusaŭ???
    17.08.2023
    Litva, Polšča, hanicie biełarusaŭ preč, pakažycie im, što tolki pucin i łukašenka mohuć ich abaranić...
  • Cyrk u zale
    17.08.2023
    Kamu vyhadna izalacyja biełarusaŭ???, nie vydumlaj łukaput, dzie hety jany vbaraniajuć biełarusau tvaje pucin i łukašenka?

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB

Usie naviny →
Usie naviny

Byłoha milicyjaniera asudzili za raspalvańnie varožaści i zaličyli ŭ terarysty

CACHAŁ atakavaŭ štab-kvateru prajekta, jaki zajmajecca raspracoŭkaj jadziernaj prahramy3

ZŠA mohuć udaryć pa Iranie taktyčnaj jadziernaj zbrojaj19

Šmatdzietnaja maci ź Minska emacyjna rastłumačyła Łukašenku, čamu biełaruski nie chočuć naradžać63

Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu11

Mocna vyrasła kolkaść aŭtamabilaŭ na vyjezd ź Biełarusi2

Piaskoŭ: Zabojstva Viarchoŭnaha lidara Irana Chamieniei «adkryje skryniu Pandory»13

U Finlandyi zapuścili najbujniejšuju ŭ śviecie piasčanuju batareju. Jak heta pracuje?1

U Małdovie na hiej-prajdzie znoŭ zaśviaciŭsia «starakatalicki śviatar» z Navahradka, pra jakoha nie było ničoha čuvać bolš za 5 hadoŭ10

bolš čytanych navin
bolš łajkanych navin

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB

Hałoŭnaje
Usie naviny →

Zaŭvaha:

 

 

 

 

Zakryć Paviedamić