«Skoknuŭ z vyšyni, uvieś pałamaŭsia». Na «hrodzienskich Maldyvach» adbyłosia nadzvyčajnaje zdareńnie
Pra trahičny vypadak, jaki ŭčora adbyŭsia na «hrodzienskich Maldyvach», to-bok na karjery ŭ rajonie vioski Pyški, raskazała vydańnie Newgrodno.by.
Hetaje miesca — techničny vadajom, jaki zastaŭsia paśla pramysłovaj zdabyčy krejdy. Jon nie pryznačany dla adpačynku i kupańnia, bo tut niepradkazalnaja hłybinia, stromkija bierahi i vysokaja vierahodnaść ich abvalvańnia.
Tym nie mienš, kožnyja vychadnyja na schiłach karjera adpačyvajuć sotni ludziej, a samyja śmiełyja ź ich skačuć z abryvu prosta ŭ vadu.
Ale ŭ adnaho z chłopcaŭ, jaki zadumaŭ zrabić taki skačok, niešta pajšło nie tak.
«Jon nie dalacieŭ da vady. Atrymaŭ surjoznyja paškodžańni. Stuknuŭsia śpinaj», — raspaviali Newgrodno.by vidavočcy.
«Voś z hetaj vyšyni skoknuŭ chłopiec. Uvieś pałamaŭsia. Voś vam i karjer», — kamientuje dziaŭčyna, jakaja źniała nastupstvy na videa.
Na miesca vyklikali chutkuju dapamohu. Paciarpiełaha apieratyŭna dastavili ŭ balnicu. Viadoma, što jon złamaŭ nahu. Skardziŭsia chłopiec i na boli ŭ pazvanočniku.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary