U Małdovu nie puścili kampazitara filmaŭ Kusturycy. U 2015 hodzie jon vystupaŭ u akupavanym Krymie
Horan Brehavič prylacieŭ u Kišynioŭ dla vystupleńnia na fiestyvali, ale na pašpartnym kantroli jamu admovili va ŭjeździe ŭ krainu.
Małdaŭskija pamiežniki dahetul nie prakamientavali rašeńnie, ale miedyja paviedamlajuć, što jano moža być źviazana z padtrymkaj anieksii Kryma i vystupleńniami tam u 2015 hodzie. Paśla hetaha jaho vystupleńni admianili va Ukrainie i Polščy, adnak u Małdovie jon vystupaŭ u 2019 hodzie, a pra vystupleńnie na sioletnim mierapryjemstvie było viadoma z krasavika.
Arhanizatary fiestyvalu Gustar apublikavali paviedamleńnie samoha muzykanta. «My byli vielmi rasčaravanyja, kali ŭ aeraporcie Kišyniova nas nie puścili ŭ Małdovu biez aficyjnych tłumačeńniaŭ. Ja šmat hastraluju sa svaimi muzykami pa ŭsioj Jeŭropie i nidzie nie sutykaŭsia ni ź jakimi ciažkaściami. Ale zapeŭnivaju, my pastarajemsia zrabić tak, kab nastupnym razam maje vystupy ŭ Małdovie nie sustreli nijakich pieraškod. Ź nieciarpieńniem čakajem nastupnych sustreč», — zajaviŭ Brehavič.
73-hadovy Brehavič — adzin z samych viadomych sučasnych kampazitaraŭ z byłoha sacłahiera, aŭtar muzyki da niekatorych filmaŭ Emira Kusturycy.
-
Uźbiekistan vyjšaŭ na śled tysiačy hramadzian krainy, jakija mahli padpisać kantrakt na słužbu ŭ rasijskaj armii
-
Nasupierak dekłaravanamu namieru ekanomić, ZŠA pavialičać biudžet Pientahona da kaśmičnaha pamieru
-
Na vybarach u Rumynii za vychad u druhi tur zmahajucca nacyjanalist, libierał i kansiervatar
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary