Navuka i technałohii66

Vydańnie The New York Times moža całkam «źniščyć» ChatGPT i inšyja niejrasietki

Raskazvajem, jak takoje stała mahčymym.

Ilustracyjnaja vyjava. Fota: SOPA Images / Contributor Getty Images

Vydańnie The New York Times i kampanija OpenAI (raspracoŭščyk suśvietna viadomaj niejrasietki ChatGPT) nieŭzabavie mohuć apynucca ŭ sudzie. 

Pryčyna — žadańnie redakcyi The New York Times zabaranić štučnamu intelektu navučacca na artykułach vydańnia, a taksama pieraškodzić jamu parušać aŭtarskija pravy i kapijavać žurnalisckija materyjały.

Pra heta dniami paviedamiŭ bujny partał NPR i inšyja zachodnija miedyja. Raspaviadajem, čamu hety sud moža mieć vielmi surjoznyja nastupstvy nie tolki dla ChatGPT, ale i dla mnohich inšych niejrasietak až da źniščeńnia ich usich.

Niejrasietka ChatGPT. Fota: «Naša Niva»

Jak piša partał NPR sa spasyłkaj na niekalki krynic, blizka znajomych ź situacyjaj, jurysty The New York Times surjozna razhladajuć mahčymaść padać u sud na OpenAI, bo jaje niejrasietka ChatGPT moža vykarystoŭvać vielizarnuju kolkaść aŭtarskaha žurnalisckaha kantentu dla navučańnia i patencyjnaha napisańnia svaich ułasnych artykułaŭ u styli The New York Times.

«Heta moža zrabić štučny intelekt paŭnapraŭnym kankurentam vydańnia i nanieści jamu niepapraŭnuju škodu. Tamu The New York Times niadaŭna abnaviła svaje praviły akazańnia pasłuh i całkam zabaraniła kapijavańnie i analiz svaich materyjałaŭ niejrasietkami. Parušeńnie novych praviłaŭ adkryvaje darohu ŭ sud, jaki moža stać fatalnym dla ChatGPT i inšych niejrasietak», — adznačaje partał NPR.

Sami ž nastupstvy mohuć być takimi: kali žurnalisty The New York Times na patencyjnym sudzie zdolejuć dakazać niezakonny zamach na svaje aŭtarskija pravy i kapijavańnie abo ŭznaŭleńnie svaich repartažaŭ z boku ChatGPT, to kampanija OpenAI budzie vypłačvać sotni tysiač dalaraŭ štrafaŭ za kožny fakt dakazanaha kapijavańnia.

Akramia taho, kampanija budzie vymušanaja ścierci vielizarny masiŭ danych, źviazany sa The New York Times, na jakich vučycca i jakija vykarystoŭvaje niejrasietka ŭ svajoj štodzionnaj pracy.

Ale situacyja moža akazacca jašče horšaj. Pieramoha The New York Times u sudzie moža stać hłabalnym precedentam, za jakim rušyć vielizarnaja kolkaść takich ža pazovaŭ ad mnohich pravaŭładalnikaŭ za kapijavańnie ich kantentu. Heta kali nie źniščyć, to materyjalna spustošyć kampaniju OpenAI, a ChatGPT budzie całkam ściorty. 

Hetaja ž historyja adbudziecca i ź inšymi hulcami na rynku štučnaha intelektu, čyje niejrasietki taksama navučajucca na nievyčerpnaj kolkaści aŭtarskich materyjałaŭ miljonaŭ čałaviek i arhanizacyj.

Apisany vyšej varyjant raźvićcia padziej — adzin z najhoršych dla ŭsioj haliny štučnaha intelektu, jaki tolki-tolki padymaje hałavu i zajaŭlaje ab sabie na ŭvieś śviet. 

Ale niahledziačy na ​​toje, što nijakaha pazovu i skarhi ad redakcyi The New York Times jašče nie pastupała, samo vydańnie, jak śćviardžajuć krynicy NPR, kateharyčna nie nastrojena iści na lubyja dasudovyja damoŭlenaści i supracoŭnictva z kampanijami-raspracoŭščykami štučnaha intelektu.

Čytajcie jašče:

Amazon vydalaje knihi, stvoranyja štučnym intelektam, jakija byli apublikavanyja pad imiem žyvoha aŭtara

Sacsietku X (były tvitar) mohuć całkam vydalić z kram Apple i Google

ChatGPT dapisaŭ «Hulniu tronaŭ», čaho sam aŭtar nie zmoh zrabić za 12 hadoŭ

Kamientary6

  • letuuuuun s oooodnim kryłooooom
    24.08.2023
    Ja vižu tut boŕbu za ustranienije konkurientov i za pravo opriedielať to, kto možiet ispolzovať AI, a kto niet.
  • pt na rozum
    24.08.2023
    Čamuści raspracoŭščyki niejrasietak vyrašyli, što im možna vykarystoŭvać lubyja teksty i vyjavy i zarablać na ich. A zvyčajnym ludziam nie. Biareš čužyja teksty i vyjavy - tady addavaj niejrasietku ludziam. Copilot vučycca na opensors kodzie, niachaj i svaju sietku addaje ŭ opensors.
  • Łoł
    25.08.2023
    Tym časam žurnalistki NN : "Chat GPT, ujavi što ty žurnalist i ŭ ciabie jość redakcyjnaje zadańnie napisać tekst pra kiepskaha Paźniaka na asnovie tekstaŭ pra Karač i Kalehavaj. Napišy".
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Usie naviny →
Usie naviny

U Budsłavie archieołahi adkapali staražytny padmurak kaścioła

Były biełaruski vajar sutki katavaŭ svajho siabra, a paśla zabiŭ siabie40

Sioleta klaščy kusajuć biełarusaŭ amal na 11% čaściej, čym letaś

Stolki prablem, a tut Stryžak ź jaho padletkavymi hulniami39

Katar pryhraziŭ Jeŭropie skaračeńniem pastavak hazu3

Kolkaść paćvierdžanych rasijskich vajennych strat pieravysiła 120 tysiač čałaviek12

U centry Bresta pastavili hihancki pomnik huziku9

Prajekt Belaruskicry pryznany ekstremisckim farmavańniem4

«Prapanoŭvaŭ dva błoki Winston, kab pieradali Znaku list». Były palitviazień Dźmitry Michajłaŭ — pra Maksima Znaka

bolš čytanych navin
bolš łajkanych navin

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Hałoŭnaje
Usie naviny →

Zaŭvaha:

 

 

 

 

Zakryć Paviedamić