Ukrainskaja DRH vysadziłasia ŭ Krymie, abstralała abjekt i viarnułasia
Rasijski vajenkaraŭski kanał «Dva majora» paviedamlaje pra načnuju vysadku ŭkrainskaj DRH u Krymie. Pavodle kanała, 10 čałaviek na dźviuch łodkach vysadzilisia la siała Alenieŭka kala mysa Tarchankut.
«Vykanaŭšy demanstratyŭnuju stralbu, u tym liku z hranatamiota, hrupa źjechała ŭ napramku Adeskaj vobłaści pa vadzie», — piša kanał.
Kanał SHOT paviedamiŭ pra likvidacyju nibyta «15—20 čałaviek», jakija prypłyli na čatyroch łodkach.
Ale hetu infarmacyju abviarhaje vajenkar Ramanaŭ. «Nichto nie źniščany. DRH US Ukrainy adyšła biez strat», — piša jon.
Hetuju infarmacyju paćvierdziŭ pradstaŭnik ukrainskaj raźviedki Andrej Jusaŭ.
«Padraździaleńni HUR MA ździejśnili vysadku ŭ ramkach śpiecapieracyi, usie zadańni vykananyja», — skazaŭ jon.
Heta pieršy vypadak adkrytaha zachodu takoj vialikaj ukrainskaj dyviersijnaj hrupy ŭ Krym.
U pasiołku Majak raźmieščana baza 3-ha radyjotechničnaha pałka i radyjołakacyjny vuzieł. Tam ža učora źniščanaja rasijskaja sistema SPA.
Kamientary