Śviet22

Chunta Nihiera patrabuje adjezdu francuzskaha pasła, ale Paryž nie źbirajecca padparadkoŭvacca putčystam

Vajskoŭcy zachapili ŭładu ŭ Nihiery, aryštavaŭšy prezidenta krainy Machamieda Bazuma pa abvinavačvańni ŭ dziaržaŭnaj zdradzie i padryvie nacyjanalnaj biaśpieki. Z momantu pieravarotu jon utrymlivajecca ŭ padvale prezidenckaha pałaca.

Palicejskija siadziać kala budynka mytni ŭ stalicy Nihiera Nijamiei, kudy pryvieźli humanitarnuju dapamohu z Burkina-Faso. Fota: Sam Mednick / AP

Vajennaja chunta ŭ Nihiery, jakaja pryjšła da ŭłady šlacham pieravarotu ŭ kancy lipienia, zahadała pasłu Francyi pakinuć krainu na praciahu 48 hadzin, adnak Paryž zajaŭlaje, što nie maje namieru vykonvać patrabavańni niezakonnych uładaŭ, piša Bi-bi-si.

Vajskoŭcy zachapili ŭładu ŭ Nihiery, aryštavaŭšy prezidenta krainy Machamieda Bazuma pa abvinavačvańni ŭ dziaržaŭnaj zdradzie i padryvie nacyjanalnaj biaśpieki. Z momantu pieravarotu jon utrymlivajecca ŭ padvale prezidenckaha pałaca.

Adnym z patrabavańniaŭ demanstrantaŭ, jakija padtrymali pieravarot, byŭ sychod Francyi ź Nihiera. Nihier — byłaja francuzskaja kałonija i Francyja dahetul maje niemały ŭpłyŭ u hetaj krainie.

U apošniaj zajavie MZS Nihiera havorycca, što francuzski pasoł Silven Ite ŭ piatnicu admoviŭsia pryjści na sustreču ź ministram zamiežnych spraŭ krainy, u suviazi z čym nihierskija ŭłady adklikali jaho akredytacyju.

Akramia niajaŭki Ite chunta taksama spasyłajecca na «inšyja dziejańni francuzskaha ŭrada, jakija supiarečać intaresam Nihiera».

U piatnicu ŭviečary Ministerstva zamiežnych spraŭ Francyi zajaviła, što Paryž pryniaŭ da viedama mierkavańnie chunty, ale putčysty nie majuć prava vyłučać takija patrabavańni, bo nie źjaŭlajucca zakonnaj uładaj.

«Akredytacyja pasła vydajecca vyklučna zakonna abranymi ŭładami Nihiera», — cytuje ahienctva AFP nienazvanaj krynicy ŭ MZS Francyi.

Dziarždepartament ZŠA taksama paviedamlaje, što, pavodle ich infarmacyi, u Nihiery hučać zakliki da adjezdu šerahu supracoŭnikaŭ amierykanskaj dypmisii, ale aficyjnaha zapytu Vašynhton pakul nie atrymlivaŭ.

Rasija zamiest Francyi?

U piatnicu nihierski vajenny ŭrad taksama sankcyjanavaŭ uvod u krain vojskaŭ susiednich Mali i Burkina-Faso, kali Nihieru spatrebicca abarona ŭ jaho supraćstajańni z šeraham krain Zachodniaj Afryki, jakija zaklikajuć viarnuć da ŭłady demakratyčna abranaha prezidenta Bazuma.

Vajenny pieravarot mocna abvastryŭ adnosiny Nihiera nie tolki z krainami Afryki, ale i z Zachadam. U vypadku z Francyjaj jany dasiahnuli krytyčnaha punktu.

Na praciahu dziesiacihodździaŭ francuzski kantynhient dapamahaŭ nihieryjskaj armii ŭ baraćbie suprać isłamistaŭ, jakija viaduć aktyŭnuju dziejnaść u rehijonie Sachiel na zachadzie afrykanskaha kantynienta.

U pačatku žniŭnia zrynuty prezident Bazum praz kałonku ŭ Washington Post zajaviŭ, što ciapier uvieś rehijon moža akazacca pad upłyvam Rasii ŭ asobie PVK «Vahnier».

Pavodle jaho słoŭ, vajennaja chunta Nihiera, jak i chunty susiednich Mali i Burkina-Faso, robić staŭku na rasijskich najmitaŭ, jakija, pa zadumie putčystaŭ, pavinny pryjści na źmienu francuzam i amierykancam, jakija dahetul dapamahali Nihieru.

Pavodle danych zachodnich raźviedak, atrady PVK «Vahnier» sapraŭdy akazvali sadziejničańnie vajennym pieravarotam u afrykanskich krainach i značna ŭmacavali rasijski ŭpłyŭ na kantyniencie ŭ apošnija hady.

Adnak ciapier, u śviatle mahčymaj hibieli stvaralnika i lidara PVK Jaŭhiena Pryhožyna i niajasnaj budučyni kampanii, raźliki nihierskaj chunty mohuć nie apraŭdacca.

Kamientary2

  • Maksim Dizajnier
    26.08.2023
    Nie "chunta", a mirnyje diemokratičieskije povstancy s avtomatami i hrantamietami.
  • Aleś
    27.08.2023
    Redakcyja, kali łaska, pišycie piśmienna. Nie "nihieryjski", a "nihierski". Nihieryjski — heta Nihieryi, a voś nihierski — heta Nihiera.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić