Krainy Zachodniaj Afryki vyznačylisia z dataj interviencyi ŭ Nihier, a pieramovy z prarasijskaj chuntaj pravalilisia
«My nie źbirajemsia vieści biessensoŭnyja pieramovy. Uvarvańnie budzie karotkaterminovym i metaj jaho budzie viartańnie kanstytucyjnaha ładu Nihiera».
Kiraŭniki Ekanamičnaj supolnaści zachodnieafrykanskich krain (ECOWAS) kančatkova ŭzhadnili datu vajennaj interviencyi ŭ Nihier z metaj źviaržeńnia prarasijskaj chunty i adnaŭleńnia kanstytucyjnaha ładu ŭ krainie. Pra heta paviedamiła ahienctva Al Arabia sa spasyłkaj na kiraŭnictva ECOWAS.
Data pačatku vajskovaj apieracyi suprać prarasijskich putčystaŭ, jakija zachapili ŭładu ŭ Nihiery i zaprasili da siabie PVK «Vahnier», była vyznačana na niadaŭnim samicie ECOWAS u Hanie.
Samoj daty lidary zachodnieafrykanskich krain vyrašyli nie nazyvać, kab nie dać chuncie padrychtavacca.
«My nie źbirajemsia vieści biaskoncyja i biessensoŭnyja pieramovy. Usie nieabchodnyja damoŭlenaści i pryhatavańni byli zavieršany. My hatovy iści ŭ luby čas, a samo ŭvarvańnie budzie karotkaterminovym i metaj jaho budzie viartańnie kanstytucyjnaha ładu Nihiera», — zajaviła kiraŭnictva ECOWAS paśla niadaŭniaha samitu ŭ Hanie.
Pry hetym lidary zachodnieafrykanskich krain adznačyli, što interviencyja adbudziecca tolki pry pravale apošniaj sproby mirnych pieramovaŭ z chuntaj, jakija prachodzili ŭ subotu.
I, jak paviedamiła ŭ niadzielu ahienctva Al Arabia, hetyja pieramovy kančatkova pravalilisia.
«Metaj pieramovaŭ była, mahčyma, apošniaja sproba abrazumić chuntu Nihiera i damahčysia vyzvaleńnia prezidenta krainy Machamieda Bazuma, ale tyja admovilisia i paabiacali, što ŭvarvańnie ECOWAS nie budzie dla krain błoku «lohkaj prahułkaj». Vyzvaleńnie i viartańnie da ŭłady Bazuma, pa słovach chunty, nikoli nie adbudziecca», — pieradaje Al Arabia.
Fakt kančatkovaha pravału pieramovaŭ z chuntaj taksama aficyjna paćvierdzili i ŭ ECOWAS. Ciapier, zychodziačy z pazicyi abodvuch bakoŭ kanfliktu i niaŭdałych mirnych pieramovaŭ, vajna ŭ Nihiery, jakaja moža zakranuć usiu Paŭnočnuju Afryku z umiašańniem Zachadu i Rasii, stała niepaźbiežnaj.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim23
Kamientary
Nihierośsija? Pomnim, pomnim, diedyvojevali...