«Kunilinhus u kožnuju chatu». Fieministka zapuściła brend adzieńnia pra siłu biełaruskich žančyn
Uładalnica Karí Malí raskazała pra ideju stvareńnia marki i reakcyju hramadstva na pikantnyja frazy.
Da zapusku ułasnaha brendu Karí Malí Karyna Malinoŭskaja zajmałasia hramadzianskim aktyvizmam: dziaŭčyna viadzie prajekt pra luboŭ da svajho cieła «Bačyć siabie», instahram-kanał pra biełaruskich žančyn «Heta biełaruska» i padtrymlivajučuju inicyjatyvu «Jak ty, Fryda?». Tamu ideja stvaryć mienavita žanočuju marku lažała na pavierchni:
«Pieryjadyčna ja padbadziorvaju siabie paciešnymi frazami i ŭ niejki momant padumała, što niadrenna było b pieranieści hetyja vykazvańni na adzieńnie — i takim čynam padtrymlivać nie tolki siabie, ale i inšych žančyn»
Karyna znajšła majsterak i pačała stvarać majki i chudzi. Nieŭzabavie brend vyjšaŭ za ramki vyklučna adzieńnia: tak źjavilisia dyvan u formie vulvy i kieramičnyja kubki sa śmiešnymi i matyvacyjnymi nadpisami.
Jak śćviardžaje ŭładalnica marki, hramadskaść nie biantežać pikantnyja ŭzory i vyrazy, zroblenyja na rečach. Naadvarot, ludzi z zadavalnieńniem kuplajuć tavar i ŭsialak padtrymlivajuć pačynańnie pradprymalnicy. Za čas isnavańnia Karí Malí byŭ tolki adzin niepryjemny kamientar, ale jon nikolki nie pakryŭdziŭ kamandu i nie paŭpłyvaŭ na žadańnie Karyny stvarać.
Rečy Karyna raspracoŭvaje jak samastojna, tak i pry dapamozie inšych dyzajnierak. Dziaŭčyna adznačaje, što joj važna stvarać pracoŭnyja miescy mienavita dla žančyn i rabić pradukt, jaki budzie rezaniravać z paradkam dnia. Naprykład, frazaj «Niama bolšaj mocy, čym žančyna ŭ śviecie patryjarchatu» jana choča źviarnuć uvahu na ciažkaści, ź jakimi sutykajucca sučasnyja žančyny pry pabudovie karjery i ŭłasnaha žyćcia.
Pakul brend tolki nabiraje papularnaść, ale Karyna ŭžo maje płan jaho raźvićcia. U chutkim časie źjavicca kałabaracyja ź juvielirnaj mastačkaj, pavodle jakoj buduć stvoranyja srebranyja kułony — taksama z nadpisami.
Rokier u karunkach. Lavon Volski ździviŭ fanataŭ kreatyŭnym łukam
Top kaśmietyčnych praduktaŭ made in Belarus, jakija možna vykarystoŭvać u štodzionnym makijažy
Marka adzieńnia Conte raźmiaściła rekłamu z aktrysaj Sašaj Borcič, ale nieŭzabavie vydaliła. Što zdaryłasia?
«Dziaŭčatam nie zachodziać našy fota». Jak biełaruskija brendy pradajuć kitajskija tavary pad vyhladam ułasnaj vytvorčaści
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary