Kiraŭnik «Biełaj Rusi» prakamientavaŭ kanflikt pamiž Azaronkam i Varanicaj
Staršynia partyi «Biełaja Ruś» Aleh Ramanaŭ śćviardžaje, što nijakaha raskołu ŭ šerahach partyi i hramadskaj arhanizacyi niama.
«Jak staršynia biełaruskaj partyi «Biełaja Ruś» i kiraŭnik RHA «Biełaja Ruś», chaču zajavić, što nijakaha raskołu ŭ našych arhanizacyjach niama. Šerahi patryjotaŭ adzinyja i manalitnyja. My žyviom u svabodnym hramadstvie, i kožny maje prava svabodna vykazvać svajo mierkavańnie, a mary źbiehłych zdradnikaŭ, jakija jany musolać užo ceły tydzień, śmiešnyja i biessensoŭnyja.
Padtrymka prezidenta Respubliki Biełaruś i jaho palityčnaha kursu, abarona nacyjanalnaj biaśpieki našaj Radzimy ad źniešnich i ŭnutranych vorahaŭ — tyja pryncypy, jakimi my biezumoŭna kirujemsia. Chaj vorahi biełaruskaha naroda navat nie spadziajucca na ŭnutranuju smutu. My adzinyja ŭ svajoj lubovi da Ajčyny i ŭ našaj ahulnaj pahardzie da vorahaŭ i zdradnikaŭ», — zaznačaje Aleh Ramanaŭ.
Nahadajem, što na minułym tydni namieśnica hrodzienskaj filii «Biełaj Rusi» Śviatłana Varanica aburyłasia dziejańniami infakazački Volhi Bondaravaj. Pretenzii prarasijskaj aktyvistki da niekatorych teatralnych śpiektaklaŭ (joj padałosia, što dziaciej tam vučać talerantnaści da monstraŭ, a paśla i da «piedafiłaŭ i transhiendaraŭ») navat ideołahu «Biełaj Rusi» padalisia absurdnymi.
Zatym Śviatłana Varanica ŭ svaim telehramie prajšłasia pa prapahandyście Ryhoru Azaronku, napisaŭšy, što jana nie choča, kab jaje kraina stanaviłasia «azaronkaŭščynaj».
«Ja nie chaču, kab maja kraina stanaviłasia azaronkaŭščynaj i bondaraŭščynaj, nie chaču, kab ich zapałochvali kaziematami Łubianki i novym Ždanavym sa Stalinym.
Ja nie mahu pryniać toj formy, u jakuju zvalvajecca moj tavaryš pa partyi «Biełaja Ruś» Ryhor Azaronak».
Jana taksama dadała, što suprać «ašalełaha šalmavańnia rektarskaha korpusa Biełarusi». «Žuku Iharu Hieorhijeviču ŭžo z natoŭpu kryčali «pacuk» u žniŭni 2020. Ź dziaržaŭnaha telekanała taksama takoje prakryčali?»
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB16
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Vidavočna režym nie na žart zakłapočany tym, što praź dziaržspryjańnie ahresyŭnaj Z-prapahandzie istotnaja dola aktyŭnych antyzmaharoŭ užo raptam nie stolki jabaćki, skolki japućki. Ale brutalna davić ich ŭžo niebiaśpiečna, asabliva na fonie taho, jak hałoŭny sponsar režyma abyjšoŭsia u Tvierskoj vobłaści z hierojami rasiei i kavalerami šakaładnych miedaloŭ hierojaŭ łnr i dnr. To bok žabahadziukinh vychodzić na novy ŭrovień. I raptoŭnaje sklikańnie łukašenkaŭskaj rady biaśpieki heta sukosna paćvierdžvaje.
Jak vykazaŭsia adnojčy spadar Arestovič - pažadajem pośpiechaŭ abiedźvum bakam i budziem horača zaŭzieć za ŭsich ź ich!