«U nas lotčyki lotajuć biez zbroi». Rasijski piłot raspavioŭ, jak pierahaniaŭ va Ukrainu Mi-8 i ŭhavorvaŭ ekipaž zdacca
Piłot pieramieščanaha va Ukrainu rasijskaha viertalota Mi-8 Maksim Kuźminaŭ zajaviŭ, što padčas finalnaj stadyi apieracyi ŭhavorvaŭ čalcoŭ ekipaža zdacca ŭkrainskamu boku, ale jany spałochalisia, pačali pavodzić siabie ahresiŭna i paśla pasadki pabiehli ŭ bok miažy, piša «Ukrainskaja praŭda».
«Sa mnoj było dvoje členaŭ ekipaža. Zbroi pry sabie ŭ nas nie było. Lotčyki ŭ nas lotajuć biez zbroi.
Nichto nie zmoh mnie supraciŭlacca, bo šturman − u jaho niama navykaŭ piłatavańnia viertalota. Ja chłopcaŭ supakojvaŭ, ja skazaŭ, što ŭsio dobra, što tut žyvuć dobryja ludzi, usio budzie vydatna. Ale jany pačali bajacca, pačali troški ahresiŭna pavodzić siabie i, atrymlivajecca, vybiehli ź viertalota ŭ bok miažy.
Dalejšy los ich mnie nieviadomy, ale, jak vynikaje, to, mahčyma, ich likvidavali».
Pa słovach piłota, jon «nie prosta skraŭ viertalot, a aficyjna pierahnaŭ z punkta A ŭ punkt B», bo zahadzia byli ŭzhodnienyja maršrut i miesca pasadki.
Kuźminaŭ raspavioŭ, što ŭ 16:30 uźlacieŭ z aeradroma Kursk u Charkaŭskuju vobłaść — prykładna za 20 kiłamietraŭ ad miažy. Dalej u rajonie nasielenaha punkta Šabiekina jon lacieŭ na hranična małoj vyšyni 5—10 mietraŭ i ŭ režymie radyjomaŭčańnia.
Pry niepasrednym pierasiačeńni miažy pa im pačali vieści ahoń.
«Chto jaho pačaŭ vieści, ja dakładna skazać nie mahu, ale miarkuju, što rasijski bok. Ja byŭ paranieny ŭ nahu sa strałkovaj zbroi. Dalej prykładna 20 kiłamietraŭ ja adlacieŭ, vykanaŭ pasadku ŭ pakazanym miescy», — raspavioŭ piłot.
Kuźminaŭ śćviardžaje, što da hetaha vykonvaŭ tolki transpartnyja apieracyi pa pieravozcy vajskoŭcaŭ abo hruzu, ale nie ažyćciaŭlaŭ bambardzirovak. Byŭ u Maryupali, Biardziansku. Pry hetym udzielničaŭ u vajnie nibyta «sa ślazami na vačach».
Ciapier jon razhladaje mahčymaść dałučycca da ŭkrainskaj avijacyi.
Jon dadaŭ, što pieršasnaja infarmacyja ab mahčymaści zdacca ź viertalotam pastupiła ad supracoŭnikaŭ palicyi, zatym u apieracyju ŭklučyłasia HUR.
Piłotu, pavodle jaho słoŭ, paabiacali praduhledžanyja śpiecyjalnym zakonam vypłaty, novyja dakumienty i biaśpieku dla jaho i svajakoŭ.
Viertalot ciapier znachodzicca ŭ składzie avijacyjnaha padraździaleńnia HUR.
***
23 žniŭnia stała viadoma, što niadaŭna viertalot Mi-8 Uzbrojenych sił Rasii apynuŭsia va Ukrainie ŭ vyniku praciahłaj śpiecapieracyi Hałoŭnaha ŭpraŭleńnia raźviedki Ministerstva abarony Ukrainy.
Piłot i jaho siamja znachodziacca va Ukrainie, siamju zahadzia vyvieźli z RF.
Mi-8 zastaŭsia va Ukrainie razam z detalami da samalotaŭ-źniščalnikaŭ, jakija jon pavinien byŭ dastavić rasijanam.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
hotoviť diesiatki millionov dołłarov -
otboja ot žiełajuŝich nie budiet. No eto i
chorošo, łučšie zapłatiť milliony hierojam
i umieńšiť čisło śmiertonosnych ptičiek,
čiem potratiť eti dieńhi na čto-to
druhoje.