Kolkaść zajaŭ na atrymańnie jeŭrapiejskich viz ad biełarusaŭ značna źniziłasia
I heta nie źviazana ź niehatyŭnym staŭleńniem da Zachadu.
Ułady Jeŭrasajuza zafiksavali rezkaje źnižeńnie kolkaści zajaŭ na vizy i vydatkaŭ na ich z boku biełarusaŭ ciaham troch apošnich hadoŭ. Pra heta 4 vieraśnia paviedamiŭ aficyjny jeŭrapiejski partał SchengenVisaInfo.
Pavodle partała, z 2020 pa 2023 hod siaredniaja kolkaść zajavak ad biełarusaŭ na atrymańnie jeŭrapiejskich viz składała krychu bolš za 100 tysiač štohod. Heta ŭ šeść razoŭ mienš, čym za pieryjad 2009—2019 hady, kali kolkaść zajaŭ ad biełarusaŭ štohod składała bolš za 600 tysiač.
Takoje ž padzieńnie nazirajecca i z pakazčykami vydatkaŭ na hetyja ž zajavy na vizy.
«Z 2009 pa 2019 hod hramadzianie Biełarusi z ulikam usich vydatkaŭ u siarednim tracili na vizy kala 50 miljonaŭ jeŭra štohod. Heta ŭ šeść razoŭ bolš, čym nazirajecca ŭ apošnija try hady, kali siaredniaja kolkaść štohadovych vydatkaŭ z boku biełarusaŭ na vizy źniziłasia da 8,3 miljona jeŭra.
Nastolki ž źniziłasia i kolkaść zajaŭnikaŭ ź Biełarusi, bo siaredniaja suma hrošaj, vydatkavanaja na vizavyja zajaŭki, ciesna źviazanaja z kolkaściu samich zajaŭ. Pry hetym za ŭvieś čas nazirańniaŭ admovy pa vizach dla biełarusaŭ byli minimalnymi — kala 2,3 tysiačy admoŭ štohod», — piša partał SchengenVisaInfo.
Taksama partał dadaje, što ŭ 2014 hodzie była samaja vialikaja kolkaść padadzienych biełarusami zajaŭ na vizy — 881,404 tysiačy prašeńniaŭ, na jakija vydatkavana 70,5 miljona jeŭra. U toj čas jak 2021 hod byŭ horšym pa hetych pakazčykach za ŭsiu historyju nazirańniaŭ — 58,285 tysiačy zajaŭ i 4,6 miljona jeŭra.
Asnoŭnyja pryčyny takoha źmianšeńnia vydatkaŭ i kolkaści zajaŭ, pa infarmacyi partała, — heta pandemija karanavirusa i źviazanyja ź joj abmiežavańni, a taksama pahadnieńnie ab spraščeńni vizavaha režymu pamiž Biełaruśsiu i ES, jakoje dziejničała z 2020 pa 2021 hod i dazvoliła hramadzianam Biełarusi vydatkoŭvać mienš hrošaj na atrymańnie viz, a niekatorych biełarusaŭ i ŭvohule pazbaviła nieabchodnaści płacić.
Taksama SchengenVisaInfo adznačaje, što Biełaruś zastajecca adnoj z krain z samymi vialikimi vydatkami na jeŭrapiejskija vizy — 80 jeŭra biez dadatkovych raschodaŭ. U 2022 hodzie kraina zaniała 18-je miesca pa kolkaści padadzienych zajaŭ na atrymańnie viz Jeŭrasajuza.
Biełarusy bolš nie zmohuć zamianiać pašparty ŭ konsulstvach, a davieranaści, aformlenyja za miažoj, pierastanuć pryznavacca — novy ŭkaz
Trapić u Jeŭropu stanie praściej. Polšča adnaŭlaje pryjom dakumientaŭ na turystyčnyja vizy va ŭsich vizavych centrach
«Na pamiežnym pierachodzie dziejecca niejki žach». Biełarus raskazaŭ pra ciapierašniuju situacyju pry vyjeździe z krainy
Kamientary
Dalej, pra pryčyny: 1) jak možna padacca na vizu, kali ich nie vydajuć? Polšča ź Litvoj užo paru hod nie vydavali 'zvyčajnych' šenhienskich viz S. 2) vialikaja dola tych, chto raniej rehularna padavaŭsia na šenhienskija vizy, užo... pierajechali ŭ šenhienskuju zonu. Heta jak raz niekalki socień tysiač čałaviek. A kamu vizy i raniej nie byli patrebny, tym jany zbolšaha nie patrebny i ciapier, kali, 1) vizy nie dajuć, 2) kali dajuć, to praź firmy-prakładki za šalonyja hrošy. Voś bazavy łahičny analiz, a ŭ artykule niejkaje abyšto...